Zangi հայկական հավելվածը Հարավային Ամերիկայի տարածաշրջանում առաջ է անցել Signal-ից և Viber-ից և մեսենջերների շարքում 4-րդ տեղում է, այս մասին ֆեյսբուքյան իր էջում տեղեկացնում է Zangi-ի հիմնադիր և գլխավոր գործադիր տնօրեն Վահրամ Մարտիրոսյանը։
«Zangi-ն ամբողջ Հարավային Ամերիկայում՝ Մեքսիկայից մինչև Արգենտինա մեսենջերների մեջ դուրս է եկել 4-րդ տեղը։ Whatsapp, Telegram, Messenger, Zangi։ Այս ռեգիոնում մենք արդեն առաջ ենք անցել Signal-ից և Viber-ից։
Մենք աճում ենք նաև Հյուսիսային Ամերիկայում, Արաբական Աշխարհում և Ասիական տարածաշրջանում»,- գրել է նա։
Zangi-ն անվտանգ մեսենջերային հարթակ է, որը թույլ է տալիս տեքստային հաղորդագրություններ ուղարկել, բարձր որակի տեսազանգեր և աուդիոզանգեր կատարել։ Այն ունի ինչպես iOS, այնպես էլ Android օպերացիոն համակարգերի համար նախատեսված տարբերակ։
ամիս
շաբաթ
օր