«Հիփոթեքային բնակարանի մղձավանջները»․ Steam-ում նոր անվճար տեսախաղ է թողարկվել

Steam խանութում «Հիփոթեքային բնակարանի մղձավանջները» վերնագրով նոր տեսախաղ է թողարկվել: Այս մասին տեղեկությունը հայտնվել է Steam-ի համապատասխան էջում։

Խաղը տեքստային վեպի ժանրում է։ «Հիփոթեքային բնակարանի մղձավանջներ»-ի կերպարներն ու դեկորացիան ստեղծված են անիմե ոճով:

«Լենան սովորական ֆրիլանս դիզայներ է, որը վերջապես որոշել է ծնողներից առանձին ապրել հիփոթեքով գնված բնակարանում: Ճիշտ է, հենց նա ոտք է դնում տան շեմին, այնտեղ ինչ-որ տարօրինակ բաներ են սկսվում կատարվել․ մեկ ինչ-որ մեկի արտացոլանքն է փայլում հայելու մեջ, մեկ գնված ապրանքներն են հայտնվում աղբարկղում...»,- ասվում է նախագծի նկարագրությունում։

«Հիփոթեքային բնակարանի մղձավանջները» ռուսական Real life Games ինդի ստուդիայի դեբյուտային նախագիծն է։ Բացի Steam-ից՝ նախագիծը հասանելի է նաև itch հարթակում և շուտով կհայտնվի VK Play-ում։ Steam-ում այն հասանելի է անվճար։

Նյութի հրապարակման պահին նոր տեսախաղը 20 դրական արձագանք ուներ։

««Հիփոթեքային բնակարանի մղձավանջներ»-ը սարսափ և սև հումոր ժանրերի տարրերով հետաքրքրաշարժ վիզուալ վեպ է: Առօրյա կյանքում ավելացնում է առեղծված՝ խաղը դարձնելով անսովոր և հետաքրքիր: Խորհուրդ եմ տալիս բոլորին, ովքեր փնտրում են նոր և հետաքրքիր բան»,- ասվում է B1zaR մականունով օգտատիրոջ գրած մեկնաբանությունում։