Honor ընկերությունը Չինաստանում ներկայացրել է նոր՝ Honor 200 և Honor 200 Pro սմարթֆոնները: Երկուսն էլ բավականին անսովոր դիզայն ունեն, լավ բնութագրեր, և այս ամենը համեմատաբար ցածր գնով:
Ինչպես հայտնում է GSMArena կայքը, երկու մոդելներն էլ ունեն նման դիզայն և 6,7 դյույմանոց OLED էկրաններ՝ Full HD+ կետայնությամբ։ Էկրանն ապահովում է 120 Հց թարմացման հաճախություն և ունի մինչև 4000 նիտ առավելագույն պայծառություն, ինչը հստակ և պայծառ պատկեր է ապահովում։
Երկու մոդելներն էլ աշխատում են ընկերության արտադրության MagicOS 8.0 ծրագրաշարով՝ հիմնված Android 14-ի վրա, որն առաջարկում է ժամանակակից հնարավորություններ և օպտիմիզացված միջերես։
Երկու տարբերակների թողարկումն էլ Չինաստանում սպասվում է մայիսի 31-ին։
Միջազգային շուկայի համար Honor 200 և 200 Pro սմարթֆոնները կներկայացվեն հունիսի 12-ին Փարիզում։ Այնուհետև հայտնի կդառնան այլ շուկաների համար դրանց գները։
ամիս
շաբաթ
օր