NASA-ն ավարտել է 3 լուսագնացի փորձարկումները․ դրանք Nova-C մոդուլով կուղարկվեն Լուսին

NASA-ն ավարտել է քարտեզագրող երեք փոքր լուսնագնացների փորձարկումը և պատրաստվում է դրանք ուղարկել Intuitive Machines ընկերություն, որտեղ դրանք կտեղադրվեն Nova-C վայրէջքի սարքում և օգտակար այլ բեռների հետ միասին այս տարվա վերջին կամ հաջորդ տարվա սկզբին կուղարկվեն Լուսին։

Երեք փոքրիկ սայլակ-ռովերներն ունեն ստերեո տեսախցիկներ և գեոռադարներ, որոնք կարող են ընդերքն ուսումնասիրել մինչև 10 մետր խորությամբ: Մոդուլը դրանք կիջեցնի Լուսնի Ռայներ Գամմա կոչվող տարածքում, որտեղ, կարծես, մագնիսական անոմալիաներ կան, և գեոռադարների տվյալները կարող են օգնել՝ հասկանալու, թե ինչ է այնտեղ իրականում տեղի ունենում: Սակայն փորձի հիմնական նպատակը կլինի ռովերների թիմային աշխատանքը՝ հանձնարարված տարածքը հետազոտելու և քարտեզագրելու համար:

Յուրաքանչյուր մարսագնաց կկարողանա ուսումնասիրել Լուսնի մակերեսի մոտ 400 մ2: Նրանց աշխատանքին 4 մ բարձրությունից կհետևի վայրէջքի մոդուլի վրա տեղադրված տեսախցիկը։ Ռովերները միմյանց կօգնեն երթուղիներ ընտրելիս՝ խոչընդոտներից խուսափելու կամ հաղթահարելու համար: Նրանք իրենք կորոշեն, թե որն է հիմնական մեքենան, և դրա օգնությամբ կհամակարգեն իրենց գործողությունները։ Առաքելության ապարատային և ծրագրային բաղադրիչները փորձարկվել են NASA-ի Martian փորձարկման վայրում, որտեղ փորձարկվել են բոլոր ռովերները, ինչպես նաև NASA-ի մաքուր սենյակում՝ արդեն վերջնական փուլում։

Մինչ այդ, բոլոր երեք ռովերները փորձարկվել են վիբրացիոն սիմուլյատորի վրա՝ գնահատելու համար դրանց կայունությունը արագացման ժամանակ, ինչպես նաև ջերմային վակուումային խցիկում, որտեղ նմանակվել են Լուսնի վրա վակուումային պայմանները։ Մասնավորապես, ստուգվել է, թե ինչպես են լուսնագնացները դիմանում ջերմաստիճանի կտրուկ փոփոխություններին, երբ ցերեկվանից գիշերվա անցնելու ժամանակ ջերմաստիճանը կարող կտրուկ փոխվել մինչև հարյուր աստիճանով։ Այնուամենայնիվ, դրանք նախատեսված չեն լուսնային գիշերվա համար․ ռովերները կգործեն 14 երկրային օր՝ մեկ լուսնային օր, և, ինչպես ակնկալվում է, չեն դիմանա լուսնային գիշերվան: