Ռուսական Caviar ընկերությունը, որը հայտնի է բջջային սարքերի շքեղ ալտերնատիվ տարբերակներով եւ աքսեսուարներով, ներկայացրել է iPhone 15 Pro/Pro Max-ի պատյանների նոր շարք։
Նոր պատյաններում Apple-ի ստանդարտ պատյանների վերամշակված նյութերը (բրենդը հրաժարվել է բնական կաշվից՝ որպես էկոլոգիապես ավելի պատասխանատու լինելու պարտավորության մաս) փոխարինել են Hermes Togo և Epsom կաշիներով: Այս շքեղ կաշվից են սովորաբար կարում Hermes Birkin պայուսակները:
«Ոչ բոլորն էին գոհ FineWoven-ի նոր պատյաններից: Երբ մտածում էինք, թե ինչ կարելի է փոխել, հիշեցինք այս տարի Հերմեսի և Apple-ի սովորական համագործակցության բացակայության մասին։ Այսպիսով, դիզայներներն առաջարկեցին այլընտրանք, որը համատեղում է Hermes-ի կաշվի էսթետիկան, որակը և Apple-ի ֆունկցիոնալությունը»,- ասել է Caviar-ի հիմնադիր Սերգեյ Կիտովը:
Caviar-ից պատյանները՝ պատված բնական Hermes կաշվով, նաեւ զարդարված են Caviar լոգոյով, որը պատված է 24 կարատանոց ոսկով: Նոր պատյանները իսկապես ոճային, թանկարժեք և որակյալ տեսք ունեն։
Նշենք, որ պատյանների գները սկսվում են 700 դոլարից։
ամիս
շաբաթ
օր