Չինաստանը հաջողությամբ տիեզերք է դուրս բերել «Շենչժոու-17» օդաչուավոր տիեզերանավը, որը մեկնել է չինական Տյանգոն ուղեծրային կայան, այս մասին հայտնում է South China Morning Post-ը։
Long March-2F հրթիռի արձակումը տեղի է ունեցել Չինաստանի հյուսիսարևելյան Գանսու գավառում գտնվող Ցզյայույգուան արբանյակների արձակման կենտրոնից տեղական ժամանակով 11:14-ին (Երևանի ժամանակով 07:14-ին):
Անձնակազմի կազմում ընդգրկված են տիեզերագնացներ Տանգ Հոնգբոն, Տանգ Շենջինը և Ցզյան Սինլինը: Նրանք ուղեծրում կմնան մոտ վեց ամիս, հայտնում է Xinhua գործակալությունը։
Նախատեսվում է, որ տիեզերանավը Տյանգոն ուղեծրային կայանին կմիանա թռիչքի մեկնարկից 6,5 ժամ հետո: Սա կլինի Չինաստանի 12-րդ օդաչուավոր տիեզերական առաքելությունը:
Ի թիվս այլ բաների, Տյանգոնում չինացի տիեզերագնացների առաջադրանքն է վերանորոգել կայանի արևային մարտկոցները, որոնք վնասվել են տիեզերական աղբի փոքր բեկորներից։
Չինաստանն այս տարվա մայիսին հաջողությամբ արձակել էր «Շենչժոու-16» օդաչուավոր տիեզերանավը, որը Տյանգոն ուղեծրային կայան էր հասցրել երեք տիեզերագնացի։ Նրանք հոկտեմբերի 31-ին կլքեն կայանը և կվերադառնան Երկիր, երբ «Շենչժոու-17»-ի անձնակազմը փոխարինի նրանց։
ամիս
շաբաթ
օր