Վերջին ամիսներին գրանցվել են սմարթֆոնների պայթյունի մի քանի դեպքեր, որոնք անհանգստություն են առաջացնում ամենուր տարածված սարքերի անվտանգության վերաբերյալ: Երբեմն սմարթֆոնի պայթյունը կարող է վնասվածքներ, գույքային վնաս պատճառել կամ նույնիսկ հանգեցնել մահվան։
Ինչո՞ւ են սմարթֆոններ պայթյուննի։ Ինչպե՞ս կարող եք պաշտպանվել նման դեպքերից:
Սմարթֆոնի պայթյունի հիմնական պատճառներից մեկը համարվում է մարտկոցի անսարքությունը։ Ժամանակակից սմարթֆոնները սովորաբար օգտագործում են լիթիում-իոնային մարտկոցներ, որոնք հայտնի են էներգիայի բարձր խտությամբ և արդյունավետությամբ։ Այնուամենայնիվ, այս մարտկոցների հետ կարող են որոշ խնդիրներ առաջանալ, դրանք կարող են տաքանալ, հատկապես, եթե ճիշտ չեն արտադրված: Թերի մարտկոցներում կարող են ներքին կարճ միացումներ տեղի ունենալ, ինչը հանգեցնում է էներգիայի անվերահսկելի արտանետման և պայթյունի:
Բարձր ջերմաստիճանի կամ արևի ուղիղ ճառագայթների երկարատև ազդեցությունը կարող է հանգեցնել սմարթֆոնի մարտկոցի գերտաքացման: Դա առավել արդիական է հատկապես շոգ եղանակին կամ երբ հեռախոսը մնում է փակ մեքենայում։ Բարձր ջերմաստիճանը կարող է արագացնել քիմիական ռեակցիաները մարտկոցի ներսում, ինչը կարող է հանգեցնել պայթյունի:
Պատահական գետնին ընկնելու, հարվածներ ստանալու ժամանակ կամ սուր մակերեսներին բախվելու ժամանակ կարող են վնասվել սմարթֆոնի ներքին բաղադրիչները, ներառյալ մարտկոցը: Մարտկոցի վնասված պատյանի պատճառով ներքին զգայուն բաղադրիչները կարող են արտաքին որոշակի տարրերի կողմից ազդեցության ենթարկվել, ինչպիսիք են օդը և խոնավությունը, ինչը հանգեցնում է կարճ միացումների և հնարավոր պայթյունների: Արտադրողները ձեռնարկել են անվտանգության միջոցներ նման ռիսկերը նվազագույնի հասցնելու համար, սակայն անվտանգության այդ միջոցները, այդուհանդերձ, կարող են անօգուտ լինել ֆիզիկական լուրջ վնասվածքների դեպքում։
Ավելի էժան այլընտրանքների պահանջարկը հանգեցրել է շուկայում կեղծ և անորակ մարտկոցների տարածմանը: Դրանցում կարող են և բացակայել անվտանգության կարևոր ֆունկցիաները, ինչը մեծացնում է գերտաքացման կամ անսարքության վտանգը: Սմարթֆոններ և աքսեսուարներ ցանկալի է ձեռք բերել հուսալի աղբյուրներից՝ անորակ մարտկոցների հետ կապված հնարավոր ռիսկերից խուսափելու համար:
Սմարթֆոնի գերլիցքավորումը կարող է հանգեցնել մարտկոցի գերտաքացմանը, որն ի վերջո կարող է հանգեցնել պայթյունի: Ժամանակակից սմարթֆոնները սովորաբար ունեն ներկառուցված գերլիցքավորման պաշտպանության մեխանիզմներ, սակայն չարտոնված կամ լիցքավորման վնասված պարագաների օգտագործման ժամանակ պաշտպանության այդ մեխանիզմները կարող են չգործել: Բացի դրանից, երրորդ կողմի արտադրած լիցքավորիչների օգտագործումը, որոնք չեն համապատասխանում անվտանգության չափանիշներին, նույնպես կարող է վտանգավոր լինել:
Չնայած կան որակի հսկողության խիստ միջոցառումներ, երբեմն կարող են առաջանալ նաև արտադրական թերություններ: Հավաքման գործընթացում սխալները, ինչպիսիք են մարտկոցի սխալ տեղադրումը կամ սարքի ոչ պատշաճ կնքումը, կարող են առաջացնել ներքին ճնշման բարձրացում, ինչը կարող է հանգեցնել պայթյունի:
ամիս
շաբաթ
օր