Չինական Douyin սոցիալական ցանցում հրապարակվել է տեսանյութ, որում ցուցադրվում է iPhone 15 Pro-ի մակետը, որն ստեղծվել է պատյաններ պատրաստողների համար՝ սարքի ճշգրիտ գծագրերի հիման վրա:
Տեսանյութը հրապարակել է ShrimpApplePro անունով աղբյուրը, որն առաջինն էր, որ մեկ տարի առաջ հրապարակեց iPhone 14 սմարթֆոնների շարքի մակետների լուսանկարները, որոնք, ինչպես ավելի ուշ պարզվեց, լիովին ճշգրիտ էին:
iPhone 15 Pro-ն կստանա ավելի կլորացված կորպուս, նոր կոճակներ, USB-C պորտ և, ըստ ստուգված ինսայդերների, տիտանե շրջանակ:
Ընդհանուր առմամբ, սարքը նման է iPhone 14 Pro-ին, բայց ամենաուշագրավ տարբերություններն են ձայնի կառավարման ավելի երկար կոճակը և նոր Action կոճակը:
Մակետում նաև տեսանելի է, որ iPhone 15 Pro-ն ունի նաև SIM քարտի համար նախատեսված սկուտեղ, ինչը հուշում է, որ Apple-ը բոլոր մոդելների դեպքում չի անցնի eSIM-ին, ինչի մասին խոսվում էր: Հիշեցնենք, որ անցյալ տարի ԱՄՆ-ում iPhone 14-ի բոլոր մոդելներից հանվել է SIM սկուտեղը:
Ըստ տարբեր տեղեկությունների՝ Apple-ն իր iPhone 15-ի շարքը կներկայացնի սեպտեմբերին կայանալիք միջոցառման ժամանակ:
Ավել վաղ՝ ապրիլի 8-ին, ShrimpApplePro-ն թվիթերյան իր էջում տարածել էր iPhone 15 Pro-ի դիզայնի լուսանկարները՝ նշելով, որ դրանք իրեն տրամադրել է սմարթֆոնի պատյաններ արտադրող մի ընկերությունը։
Excited to share photos of the iPhone 15 Pro Max CAD! This one was source from a case manufacturer. I know others have already shared the 3D model, but I wanted to give you my own w/ a closer look. As promised, the most detailed! pic.twitter.com/FZGBueAgLl
— ShrimpApplePro (@VNchocoTaco) April 8, 2023
ամիս
շաբաթ
օր