Ցանկացած անորոշ իրավիճակում նվիրեք iPhone. 4 պատճառ՝ 14-րդ սերնդի iPhone նվեր ընտրելու համար

Իդեալական նվերը պետք է ոչ միայն դրական հույզեր ու գեղագիտական ​​հաճույք պատճառի, այլև օգտակար լինի։ 2022 թվականի սեպտեմբերին Apple-ը թողարկեց  iPhone 14 | 14 Plus և iPhone 14 Pro | Pro  Max, որն իր բարձր որակի, ֆունկցիոնալության և ոճի շնորհիվ կդառնա շահեկան տարբերակ և կուրախացնի ձեր սիրելիին:

Եվ այսպես՝ ո՞ր մոդելն ընտրել և չսխալվել, կպատմենք այս հոդվածում:

Գեղագիտություն և ոճ

iPhone14 սմարթֆոնների շարքն ունի նրբագեղ կլորավուն կաղապար՝ հստակ, կտրած եզրերով: iPhone 14-ում և 14 Plus-ում  օգտագործված է օդանավերի համար նախատեսված ալյումին, իսկ Pro մոդելներն ունեն ավելի դիմացկուն՝ պողպատե կաղապար, դիմացն էլ պաշտպանված է Ceramic Shield-ով:

iPhone 14 Pro և iPhone 14 Pro Max-ն այժմ կարող են նույնականացվել ո՛չ միայն հետևի վահանակի միջոցով, որտեղ, որպես կանոն, տեղադրված է ավելի մեծ տեսախցիկի մոդուլ՝ երեք ոսպնյակներով և LiDAR սկաների աչքով: Այժմ առջևի մասում տեսախցիկների համար փոքր պաշտպանիչ շերտը վերածվել է ավելի մասշտաբային «կղզյակի»:

Սմարթֆոնը հարմարավետ տեղավորվում է ձեռքում, պարզապես անհրաժեշտ է որոշել չափսը:  iPhone 14-ի և iPhone 14 Pro-ի էկրանի անկյունագիծը 6,1 դյույմ է, մինչդեռ iPhone 14 Plus-ի և iPhone 14 Pro Max-ինը՝ 6,7 դյույմ:  Մեկ այլ ոչ ակնհայտ առանձնահատկություն կարելի է համարել մասշտաբը: Վերջիններիս էկրաններին ավելի շատ ինֆորմացիա է տեղավորվում:  Սա հատկապես նկատելի է խաղերում, հավելվածներում, բրաուզերում, ստեղնաշարով մուտքագրելիս։

Կատարելագործված տեսախցիկ և նկարահանման նոու-հաու

Ամբողջ շարքը կարելի է անվանել էտալոնային՝ ինչպես լուսանկարելու, այնպես էլ տեսանյութեր ձայնագրելու առումով: Պատճառներից մեկը տեսախցիկի նոր մոդուլն է, որը երկու անգամ ավելի լույս է փոխանցում, ինչը թույլ է տալիս հիանալի կադրեր ստանալ՝ նույնիսկ առանց գիշերային ռեժիմի օգտագործման:

Հիմնական մոդելներով կարելի է ստանալ ամենաբարձր որակի լուսանկարներ, իսկ ահա iPhone 14 Pro-ն և Pro Max-ը իսկական մարտահրավեր են պրոֆեսիոնալ տեսախցիկների համար: Գաղտնիքը կայանում է 48 մեգապիքսելանոց հիմնական տեսախցիկի մեջ, որն ունի չորս միջուկային սենսոր, որի միջոցով էլ մի քանի անգամ ավելի լավ լուսանկարներ է ստացվում:

Կա չորս ռեժիմների խոշորացման հնարավորություն, այնպես որ նույնիսկ լուսանկարների ամենակոպիտ կտրատման դեպքում հստակության էական անկում չի լինի:

Բոլոր մոդելների սելֆի տեսախցիկներն այժմ ունեն ավտոմատ ֆոկուս և ավելի լայն բացվածք: Խմբային կադրերում միանգամից բոլոր մասնակիցների դեմքերը ֆոկուսավորվում են: Իսկ լուսանկարն, ամեն դեպքում հրաշալի կստացվի, նույնիսկ եթե օբյեկտները շատ մոտ կամ շատ հեռու լինեն տեսախցիկից։

iPhone-ի հիմնական և Pro-տարբերակների տեսանկարահանման հնարավորությունները իրար նման են. օգտատերերը կարող են նկարահանել որակյալ տեսանյութեր՝ չվախենալով էքսպոզիցիոն թռիչքներից կամ ֆոկուսից դուրս հայտնվելուց: Կինեմատոգրաֆիկ ռեժիմն այժմ տեսագրում է նաև 4K-ով։ Եթե ​​մարդը պատրաստվում է պրոֆեսիոնալ կերպով զբաղվել մոնտաժով և գունային շտկումներով, ապա նա կգնահատի iPhone 14 Pro և iPhone 14 Pro Max-ի ProRes-ով տեսանկարահանելու ունակությունը:

Արագություն և արտադրողականություն

Apple-ը հոգ է տարել այն մասին, որ iPhone 14| 14 Plus և iPhone 14 Pro| Pro Max-ը պարզապես դառնան ավելի հզոր և արագ: Բայց արագության աճի մոտեցումն այլ է՝ բազային մոդելներում առկա է A15 Bionic չիպ, մինչդեռ iPhone 14 Pro | Pro Max-ը հագեցած է վերջին վեց միջուկային A16 Bionic չիպերով: Երկու տարբերակներն էլ թույլ են տալիս ակնթարթորեն գործարկել հավելվածներ, «ծանր» խաղեր և ցանկացած գրաֆիկական խմբագրիչներ: Ամբողջ էլեկտրոնային բովանդակությունը՝ հրաշալի օպտիմիզացված է օպերացիոն համակարգի հետ, ինչն էլ անկասկած, առնվազն հինգ տարի ևս հրաշալի կլուծի աշխատանքի հետ կապված խնդիրները:

Անվերջ լիցքավորում

iPhone 14-ի մարտկոցը նախատեսված է 20 ժամյա աշխատանքի համար, իսկ iPhone 14 Plus-ը մեկ լիցքավորմամբ կարող է աշխատել 2 օր։ Ռեկորդը գերազանցել է iPhone 14 Pro Max-ը՝ այն Apple-ի պատմության մեջ ամենաերկարակյաց մարտկոցն ունի:

iPhone 14 Pro-ն և iPhone 14 Pro Max-ը միշտ միացված էկրանով առաջին սմարթֆոններն են: Կողպվելիս՝ էկրանը պարզապես խամրում է:

Ո՞ւմ ենք նվիրում:

Անկախ նրանից, թե որ մոդելն եք ընտրում, այն արդիական կլինի նաև առաջիկա տարիների համար, քանի որ դրանց բարելավված աշխատանքը, երկարակյաց մարտկոցները և պրոֆեսիոնալ տեսախցիկները դեռ երկար ժամանակ կլինեն սմարթֆոնների շուկայի առաջատար դիրքերում:

Եթե ​​այն երջանիկը, ում պատրաստվում եք սմարթֆոն նվիրել, նախընտրում է հարմարավետություն, ապա iPhone 14-ը և iPhone 14 Pro-ն իդեալական տարբերակներ են, դրանք հարմար են ձեռքի չափսերին:  

iPhone 14 Pro կամ iPhone 14 Pro Max-ը լավագույն նվերը կդառնան նրանց համար, ովքեր լրջորեն զբաղվում են լուսանկարչությամբ, վիդեո մոնտաժով կամ երաժշտությամբ:

Իսկ ահա բջջային խաղերի սիրահարները կգնահատեն iPhone 14 Plus-ը կամ iPhone 14 Pro Max-ը:

Այժմ գնեք iPhone 14 Pro շահավետ պայմաններով՝ 36 ամսով վարկի հնարավորությամբ մինչև 80 000 դրամ խնայողությամբ Apple-ի լիազորված ՝ iSpace, Mobile Centre, Vega, ZigZag, Ucom, iStore, VivaCell MTC վերավաճառողներից: