GrapheneOS համայնքի օգտատերերից մեկը ստեղծել է ինքնատիպ սարք, որը թույլ է տալիս ժամանակակից սմարթֆոնը վերածել դյուրակիր համակարգչի։ Նախագիծը ցույց է տալիս, թե որքանով են հզոր Android դրոշակակիր (ֆլագման) սարքերն արդեն ընդունակ փոխարինել էժանագին նոութբուքերին ամենօրյա առաջադրանքներում։
Ինչպես է կառուցված ինքնաշեն կայանըԿոնստրուկցիան ստացել է մոդուլային դիզայն, ինչը թույլ է տալիս հեշտությամբ փոխարինել առանձին բաղադրիչները։ Դրա կազմի մեջ ներառվել են.
Ծալովի Bluetooth ստեղնաշար, Անլար մկնիկ՝ պահպանման առանձին բաժնով, Բռնակ և ամրակ ուսագոտու համար, ինչը սարքը վերածում է շարժական աշխատանքային կայանի։Հիմնական կորպուսը պատրաստված է 3D տպագրության օգնությամբ։ Ներսում տեղադրված են արտաքին դիսփլեյի (էկրանի) կոնտրոլերը, լրացուցիչ մարտկոց, USB Type-C և HDMI պորտեր, ինչպես նաև դոկ-կայան՝ սմարթֆոնը միացնելու համար։ Մոդուլայնության շնորհիվ սեփականատերը կարող է անհրաժեշտության դեպքում թարմացնել կամ փոխարինել էկրանը, ստեղնաշարը կամ այլ տարրեր։
Նախագծի առանձնահատկությունն է՝ սմարթֆոնի ներկառուցված էկրանի օգտագործումը որպես լրացուցիչ դիսփլեյ՝ Android Desktop ռեժիմով աշխատելիս։
Ծրագրային հիմքըՈրպես օպերացիոն համակարգ մշակողն ընտրել է GrapheneOS-ը՝ Android-ի քասթոմ (փոփոխված) տարբերակը, որն ուղղված է առավելագույն անվտանգությանն ու գաղտնիությանը։ Google Pixel 9 սմարթֆոնն աշխատում է լիարժեք դեսքթոփային (համակարգչային) ռեժիմով։
Նախագծի հեռանկարներըՄշակման հեղինակը կարծում է, որ ժամանակակից դրոշակակիր սմարթֆոններն օժտված են բավարար արտադրողականությամբ ամենօրյա առաջադրանքների մեծ մասի համար, ներառյալ՝ փաստաթղթերի հետ աշխատանքը, բրաուզինգը (համացանցում նավարկելը) և թեթև խմբագրումը։ Հետագայում նա ծրագրում է հրապարակել իր նախագծերի բաց կոնստրուկցիաները, որպեսզի այլ էնտուզիաստներ կարողանան կրկնել կամ բարելավել իր մշակումները։
Կարճ ասածGrapheneOS համայնքի էնտուզիաստը ստեղծել է մոդուլային 3D տպագրված կայան, որը Google Pixel 9-ը վերածում է դյուրակիր նոութբուքի։ Սարքը ներառում է ստեղնաշար, մկնիկ, լրացուցիչ պորտեր և սմարթֆոնի էկրանը որպես երկրորդ դիսփլեյ օգտագործելու հնարավորություն։ Նախագիծն աշխատում է GrapheneOS-ի բազայով՝ Android-ի դեսքթոփային ռեժիմով։ Մշակումը ցույց է տալիս, որ հզոր սմարթֆոններն արդեն կարող են հաջողությամբ փոխարինել բյուջետային նոութբուքերին ամենօրյա սցենարներում։ Հեղինակը ծրագրում է կիսվել բաց կոնստրուկցիաներով համայնքի համար։
Հետևեք NEWS.am Tech-ին Facebook-ում և Twitter-ում