Նախընտրելի
Redmi-ի արտադրանքի մենեջեր Հու Սինսինը Weibo սոցիալական ցանցում ծավալուն հոդված է հրապարակել, որում անդրադարձել է ֆլագմանային Redmi K80 Pro սմարթֆոնի տեսախցիկին։ Սարքը, ըստ մենեջերի, կստանա բարձրակարգ տեսախցիկ, որը դեռ չի եղել Redmi սարքերում։
Redmi K80 Pro-ն կստանա հիմնական տեսախցիկ 50 մեգապիքսել Light Hunter 800 սենսորով, կլինի նաև բարձրորակ գերլայնանկյուն տեսախցիկ՝ 32 մեգապիքսել սենսորով, և նույն մոդուլը՝ հեռաֆոտո ոսպնյակով և 50 մեգապիքսելային սենսոր, ինչպեսինս ունի Xiaomi 15-ը:
«Այս տեսախցիկի ստեղծման նպատակն է ամբողջությամբ համեմատել Xiaomi 15-ի հետ: Բացի Leica ապրանքանիշից, ամեն ինչ նույնն է»,- գրել է Հուն:
Redmi K80-ի և Redmi K80 Pro-ի տեսախցիկների տարբերությունն այն է, որ կրտսեր մոդելը չի ունենա հեռաֆոտո ոսպնյակով մոդուլ։
Արդեն հայտնի է, որ Redmi K80 Pro-ն կստանա Qualcomm Snapdragon 8 Elite SoC, 6000 մԱ/ժ մարտկոց, 120 Վտ լարային լիցքավորման և 50 Վտ անլար լիցքավորման աջակցություն, մատնահետքի ուլտրաձայնային սկաներ և IP68/IP69 պաշտպանություն։ Redmi K80-ի և Redmi K80 Pro-ի պաշտոնական պրեմիերան կկայանա չորեքշաբթի՝ նոյեմբերի 27-ին։
