Նախընտրելի
SamInsider ռեսուրսը հրապարակել է ապագա բյուջետային Samsung Galaxy A16 սմարթֆոնի բնութագրերը։ Հայտնի չէ, թե կոնկրետ երբ կլինի սմարթֆոնի շնորհանդեսը, սակայն բոլոր պարամետրերն արդեն բացահայտված են։
Galaxy A16-ը կներկայացվի երկու տարբերակով՝ 4G/LTE (կատալոգի համարը SM-A166x) և 5G (SM-A165x)։ 5G տարբերակը կկառուցվի Samsung Exynos 1330 SoC-ի վրա, իսկ LTE տարբերակը կօգտագործի MediaTek SoC: Սա նրանց միակ տարբերությունն է։
Սմարթֆոնները կստանան Super AMOLED էկրան՝ 6,7 դյույմ անկյունագծով, Full HD+ կետայնությամբ և 90 Հց արագությամբ, 13 մեգապիքսելանոց առջևի տեսախցիկ և հիմնական՝ 50, 5 և 2 մեգապիքսել սենսորներով, 4 ԳԲ օպերատիվ և 128 ԳԲ ֆլեշ հիշողություն (բազային տարբերակում), Bluetooth 5.3 ադապտեր, NFC չիպ, 5000 մԱ/ժ մարտկոց՝ 25 վտ լիցքավորման աջակցությամբ, ինչպես նաև փոշուց և ջրից պաշտպանություն՝ ըստ IP54 ստանդարտի։
Հետաքրքիր է, որ փաթեթը չի ներառի լիցքավորման բլոկ: Ավելի վաղ հաղորդվում էր, որ սմարթֆոնները Android-ի թարմացումներ կստանան 6 տարով։
Եվրոպական մանրածախ առևտրով զբաղվողներից մեկի համաձայն՝ Galaxy A16 4G-ի գինը կկազմի 210 եվրո, Galaxy A16 5G-ը՝ 240 եվրո։
