Բիլ Գեյթսը պատմել է, թե ինչի համար է օգտագործում ChatGPT-ն

Microsoft-ի համահիմնադիր Բիլ Գեյթսը The Verge-ին տված հարցազրույցում ասել է, որ ChatGPT-ի ակտիվ օգտատեր է և այս նեյրոցանցն օգտագործում է կոնկրետ հարցերի վերաբերյալ բացատրություններ ստանալու և տեքստեր գրելու համար։

Ինչպես նշում է iXBT-ն, այս հայտարարությունը զարմացրել է փորձագետներին՝ հաշվի առնելով, որ Գեյթսը, զգալի ֆինանսական ռեսուրսների է տիրապետում և կարող էր վարձել հետազոտողների և փաստերը ստուգողների մի ամբողջ թիմ։ Այնուամենայնիվ, նա նախընտրում է օգտագործել ChatGPT, չնայած հուսալիության հետ կապված այս նեյրոցանցի խնդիրներին, որոնք տարածված են չատբոտերի և այլ խոշոր լեզվական մոդելների (LLM) հետ։

Հարցազրույցում Գեյթսն ընդգծել է նաև OpenAI-ի հետ Microsoft-ի բազմամիլիարդանոց համագործակցության ընդլայնման անհրաժեշտությունը։ Նա նշել է, որ շարունակում է մնալ Microsoft-ի խորհրդական, և որ ներդրումներն այս ոլորտում դժվար է գերագնահատել։ Գեյթսը կորպորացիան լքել է 2021-ին՝ 40 տարվա աշխատանքից հետո։

Ըստ աղբյուրի՝ այս հայտարարությունները հարցեր են առաջացնում Microsoft-ում Գեյթսի դերի և OpenAI-ի հետ նրա հարաբերությունների վերաբերյալ: Նախկինում լրատվամիջոցները հաղորդել էին, որ Գեյթսը շարունակում է զգալի ազդեցություն ունենալ Microsoft-ի վրա և առանցքային դեր է խաղացել OpenAI-ի գործադիր տնօրեն և համահիմնադիր Սեմ Ալթմանի հետ հարաբերությունների պահպանման գործում: