Xiaomi-ն կներկայացնի բաց տիպի իր առաջին ականջակալը․ ի՞նչ առանձնահատկություններ ունի այն

Xiaomi-ն պատրաստվում է ընդլայնել իր արտադրանքի շարքը և թողարկել բաց տիպի իր առաջին ականջակալը: Ընկերությունը հաստատել է, որ ականջակալը կներկայացվի ապրիլի 10-ին նախատեսված առաջիկա համաժողովին, որի ժամանակ ուշադրության կենտրոնում կլինի Redmi Turbo 3 սմարթֆոնը: Միջոցառմանը կներկայացվի նաև Redmi Pad Pro պլանշետը:

Ականջակալի մասին մանրամասները սահմանափակ են, սակայն Weibo-ում Xiaomi-ի տեղադրած պաստառը բացահայտում է ականջակալի դիզայնը և գունային երկու տարբերակները։ Պատյանը համապատասխանում է ականջակալի գույնին, իսկ պատյանի մեջտեղով անցնում է շրջանակ՝ LED ցուցիչով։

Xiaomi-ի առաջին բաց տիպի ականջակալի տեխնիկական բնութագրերը ներկայումս գաղտնի են պահվում։ Ակնկալվում է, որ այն կունենա մարտկոցի երկար ինքնավար աշխատանք և հարմար կլինի կրելու համար, ինչպես նման շուկայում առկա մյուս մրցակիցների դեպքում է։

Ի տարբերություն ավանդական ականջակալի, բաց տիպի ականջակալը տեղադրվում է անմիջապես ականջի մոտ, այսինքն՝ ականջները բաց են մնում: Ձայնը փոխանցելու համար դրանք հիմնականում օգտագործում են ոսկրային փոխանցման կամ օդային փոխանցման տեխնոլոգիաներ։ Ապագա Xiaomi ականջակալներում կօգտագործվի օդային փոխանցման տեխնոլոգիա: Չինաստանում արդեն ընդունվում են նախնական պատվերներ։

Անցյալ տարի բաց տիպի ականջակալների շուկայում վաճառվել է 6,52 միլիոն ականջակալ, ինչը 130,2 տոկոսով ավելի է նախորդ տարվա համեմատ: