Xiaomi-ն ներկայացրել է դռան Xiaomi E20 Wi-Fi նոր խելացի կողպեք, որը բազմաթիվ խելացի գործառույթներ ունի. այն ունի Wi-Fi կապի և կապի բազմաթիվ միջոցների աջակցություն, ինչպես նաև առաջարկում է մի շարք գործառույթներ, ինչպիսիք են հեռահար հասանելիությունը և ահազանգերի մասին հիշեցումները Mijia հավելվածների միջոցով, մատնահետքի միջոցով ապակողպումը և այլն:
Ահա սարքի հիմնական բնութագրերն ու հնարավորությունները.
- Wi-Fi միացում։ Դռան խելացի կողպեքն ունի Wi-Fi կապի աջակցություն, ինչը Mijia հավելվածի միջոցով հնարավորություն է տալիս դրան հասանելիություն ունենալ հեռավար կարգով։
- Հեռակա մոնիտորինգ և ծանուցումներ։ Օգտատերերը կարող են վերահսկել տեղեկամատյանները և հեռակա կարգով ստանալ տագնապի մասին ծանուցումներ Mijia հավելվածի միջոցով:
- Ապակողպման մեթոդներ։ Կողպեքն ունի ապակողպման բազմաթիվ մեթոդների աջակցություն, ներառյալ մատնահետքը, գաղտնաբառը, մեկանգամյա գաղտնաբառ, NFC, Bluetooth, սմարթֆոն և բանալի: Մատնահետքի ճանաչման ճշգրտությունը կազմում է 99,24%, իսկ ճանաչման արագությունը՝ 0,5 վայրկյան։
- Ծանուցումներ իրական ժամանակում։ Mijia հավելվածի միջոցով կողպեքը տրամադրում է իրական ժամանակում այցելությունների մասին ծանուցումներ և կարող է միացվել Xiaoai բարձրախոսներին, ինչը նշանակում է, որ հաստատ բաց չեք թողնի պահը, երբ կարևոր հյուրեր են գալիս։
- Տագնապային համակարգ և սենսորներ։ Կողպեքն ունի չորս խելացի սենսորներ, որոնք կարողանում են ճանաչել ութ տարբեր վիճակներ, ներառյալ դռան կիսաբաց վիճակը: Այն նաև ազդանշան է տալիս անսարքության մասին և ունի տարբեր ազդանշանային ռեժիմների աջակցություն:
- Երկար ծառայություն և մարտկոցներ։ Կողպեքը գործում է մինչև 15 ամիս և ծանուցումներ է տալիս մարտկոցի լիցքավորման մասին: Արտակարգ իրավիճակներում անհրաժեշտության դեպքում դուռը կարելի է բացել արտաքին մարտկոցով, եթե կողպեքն ամբողջությամբ լիցքաթափված է:
Այս բոլոր հատկանիշները Xiaomi E20 Wi-Fi-ի խելացի կողպեքը դարձնում են հարմար և ապահով լուծում նրանց համար, ովքեր ցանկանում են բարելավել իրենց տան անվտանգությունը և ավելացնել խելացի կառավարման տարրեր:
Կողպեքը հասանելի է նախնական պատվերի համար՝ սկսած 155 դոլարից: