Apple-ը պատրաստվում է թողարկել iPhone SE 4 բյուջետային սմարթֆոն, որը կստանա ավելի թանկ սմարթֆոնի՝ iPhone 14-ի կորպուսը։ Apple-ը նաև կհրաժարվի նոր բյուջետային սմարթֆոնում Home կոճակի օգտագործումից, այս մասին հայտնում է MacRumors կայքը։
Փոխարենը, iPhone-ը կունենա առանց շրջանակի դիզայն՝ iPhone 14-ի կորպուսում, որի միակ տեսողական տարբերությունը մեկ հիմնական տեսախցիկի առկայությունն է:
Ըստ MacRumors-ի՝ Apple-ը նոր iPhone SE-ում կտեղադրի 48 ՄՊ սենսոր, որն օգտագործվում է բազային iPhone 15 մոդելում: Նախկինում ընկերությունն արդեն օգտագործել է առաջատար iPhone-ների տեսախցիկը բյուջետային SE շարքում:
Լրացուցիչ սենսորից հրաժարվելը դրական կազդի iPhone SE 4-ի չափերի վրա, որը կշռում է 165 գրամ։
Բյուջետային մոդելը կստանա նաև Face ID սկաներ և USB-C միակցիչ՝ սեփական Lightning-ի փոխարեն:
Ըստ լուրերի՝ iPhone SE-ի աշխատանքի համար պատասխանատու է կլինի անցյալ տարվա Apple A16 չիպը։ Որոշ տեղեկությունների համաձայն՝ Apple-ը կհրաժարվի սեփական լուռ ռեժիմի անջատիչից՝ հօգուտ գործողության կոճակի, որը հայտնվել է iPhone 15 Pro-ում:
Չորրորդ սերնդի iPhone SE-ի շնորհանդեսը սպասվում է 2024-ի գարնանը։
ամիս
շաբաթ
օր