Honor ընկերությունը հաստատել է, որ հոկտեմբերի 10-ին պաշտոնապես կներկայացվի Honor Play 50 Plus սմարթֆոնը: Այն կստանա մեծ մարտկոց՝ 6000 մԱ/ժ հզորությամբ։
Honor Play 50 Plus-ի էկրանը կունենա ավանդական դիզայն՝ առջևի տեսախցիկի համար բացվածքով, ինչպես նաև բավականին նեղ շրջանակով։ Հետևի վահանակում կլինի տեսախցիկի մոդուլ՝ կրկնակի օղակներով, հիմնական տեսախցիկը կստանա 50 մեգապիքսել լուծաչափով սենսոր:
Ընկերության հրապարակած պաշտոնական լուսանկարից պարզ է դառնում, որ Honor Play 50 Plus-ը կունենա 12 ԳԲ օպերատիվ և 256 ԳԲ ներկառուցված հիշողություն, ինչպես նաև կստանա բարձր ստերեո բարձրախոսներ։
Այս հեռախոսի նախորդի՝ Honor Play 40 Plus-ի գինը տատանվում է 165-220 դոլարի սահմաններում: Ակնկալվում է, որ Honor Play 50 Plus-ի գինը ևս մոտավորապես նույնը կլինի։
ամիս
շաբաթ
օր