Երբեմն տան ինտերնետ կապի հետ կապված խնդիրները կարող են պայմանավորված լինել ոչ միայն սարքի տեխնիկական բնութագրերով, այլ նաեւ շրջապատող իրերով։
Ո՞ր իրերը կարող են ազդեցություն ունենալ Wi-Fi-ի արագության եւ կայունության վրա:
- Միկրոալիքային վառարանը էլեկտրամագնիսական ճառագայթում է արձակում ռոութերի հաճախականությանը մոտ հաճախականությամբ (մոտավորապես 2,4 ԳԳց): Միաժամանակյա աշխատանքի դեպքում կարող են առաջանալ Wi-Fi-ի ազդանշանի խափանումներ։
- Պատերը՝ հատկապես աղյուսից, մարմարից եւ բետոնից, կարող են դանդաղեցնել կամ թուլացնել ռոութերի ազդանշանը։
- Անլար ֆիքսված հեռախոսները նույնպես դանդաղեցնում են Wi-Fi-ը։
- Bluetooth սարքերը, անլար մկնիկը, ստեղնաշարերը կամ նույնիսկ էլեկտրական թեյնիկը, որոնք շատ մոտ են ռոութերին, կարող են խանգարել Wi-Fi ազդանշանին:
- Ապակուց մեծ ակվարիումները կարող են խանգարել Wi-Fi ազդանշանին, եթե դրան մոտ են գտնվում։
- Խոշոր կահույքը եւ դեկորը նույնպես դանդաղեցնու են Wi-Fi ազդանշանը:
- Հայելին կարող է արտացոլել ռոութերի ռադիոալիքային ճառագայթումը, ինչը կարող է նվազեցնել ազդանշանի որակը:
- Ռադիոկառավարվող խաղալիքների ազդանշանները կարող են ծածկել Wi-Fi ազդանշանը եւ թուլացնել այն:
Կարեւոր է հիշել, որ չնայած այս իրերը կարող են խանգարել Wi-Fi-ին, ժամանակակից ռոութերները սովորաբար ունեն տեխնոլոգիա եւ առանձնահատկություններ՝ նման ազդեցությունը նվազագույնի հասցնելու համար։ Այնուամենայնիվ, եթե բախվում եք Wi-Fi-ի հետ կապված խնդիրների, արժե հաշվի առնել ռոութերի միջավայրը եւ սենյակում գտնվելու վայրը։