Հուլիսի 10 ամենահզոր սմարթֆոնները՝ ըստ AnTuTu-ի

Սմարթֆոնների և այլ սարքերի աշխատանքի վերլուծությամբ զբաղվող AnTuTu կայքի մասնագետները ներկայացրել են 2023-ի հուլիսի ամենահզոր սմարթֆոնների վարկանիշը։ Ինչպես պարզվում է, թոփ տասնյակում ներառված սարքերից ինը աշխատում են Snapdragon 8 Gen 2 հզոր չիպսեթով:

Այս հեղինակավոր ցուցակը գլխավորում է Red Magic 8s Pro խաղային սմարթֆոնը, որը հայտնվել է առաջին հորիզոնականում՝ հավաքելով ավելի քան 1,63 միլիոն միավոր։ Երկրորդ տեղում է iQOO 11S-ը՝ 1,62 միլիոն միավորով, իսկ երրորդ տեղում է Vivo X90 Pro+-ը՝ 1,61 միլիոն միավորով: iQOO 11 Pro-ն չի զիջում իր մրցակիցներին՝ 1,6 միլիոն միավորով զբաղեցնելով չորրորդ հորիզոնականը։

Ահա թե ինչ տեսք ունի ամբողջ ցուցակը.

1. Red Magic 8s Pro - 1,63 մլն միավոր,
2. iQOO 11S - 1,62 մլն միավոր,
3. Vivo X90 Pro+ - 1,61 մլն միավոր,
4. iQOO 11 Pro - 1,6 մլն միավոր,
5. Vivo X90s - 1,59 մլն միավոր (միակ սմարթֆոնն է, որը MediaTek Dimensity 9200+ չիպսեթ ունի),
6. Oppo Find X6 Pro - 1,58 մլն միավոր,
7. Nubia Z50S Pro - 1,57 մլն միավոր,
8. Vivo X Fold2 - 1,56 մլն միավոր,
9. Xiaomi 13 Ultra - 1,56 մլն միավոր,
10. OnePlus 11 - 1,56 մլն միավոր։

Ուշագրավ է, որ թոփ տասնյակում ներառված միակ սմարթֆոնը, որը չի աշխատում Qualcomm չիպսեթով, Vivo X90s-ն է, որն ունի MediaTek Dimensity 9200+ պրոցեսոր: Այս սարքին հաջողվել է հավաքել տպավորիչ 1,59 միլիոն միավոր։

Մնացած տեղերը նույնպես զբաղեցնում են տպավորիչ բնութագրերով սարքեր։ Հինգերորդ տեղում Oppo Find X6 Pro-ն է՝ 1,58 մլն միավորով, որին հաջորդում են Nubia Z50S Pro-ն (1,57 մլն միավոր), Vivo X Fold2-ը (1,56 մլն միավոր), Xiaomi 13 Ultra (1,56 մլն միավոր) և OnePlus 11-ը (1,56 մլն միավոր):

Ցուցակը գլխավորող Red Magic 8s Pro-ն շուկա է ներկայացվել հուլիսի սկզբին։ Այս հզոր սմարթֆոնն ունի հզորացված Snapdragon 8 Gen 2 չիպսեթ, ինչպես նաև 6,8 դյույմանոց OLED էկրան՝ 120 Հց թարմացման հաճախականությամբ և էկրանի տակ գտնվող առջևի «անտեսանելի» եզակի տեսախցիկ: Զարմանալի չէ, որ այս խաղային սարքը մեծ տարածում է ստացել օգտվողների շրջանում: Չինաստանում Red Magic 8s Pro-ի գինը 5500 յուանից է սկսվում, որը հավասար է մոտ 770 դոլարի: Այս հզոր սմարթֆոնը հասանելի է նաև համաշխարհային շուկայում։