5 լավագույն բյուջետային սմարթֆոններ, որոնք 220 դոլարից ցածր արժեն

Յուրաքանչյուր ամիս բջջային սարքերի շուկայում բազմաթիվ հետաքրքիր նոր ապրանքներ են հայտնվում։ Այնուամենայնիվ, սովորաբար բավականին դժվար է կողմնորոշվել առաջարկների այս բազմազանության մեջ: Hi-Tech Mail.Ru պորտալի խմբագիրները կազմել են հուլիս ամսվա լավագույն սմարթֆոնների հնգյակը, որոնք վաճառվում են մինչև 220 դոլարով։ Այս բոլոր սարքերը օգտատերերին կարող են ուրախացնել իրենց ֆունկցիոնալությամբ և գրավիչ հատկանիշներով:

Infinix Note 30 (8/128 ԳԲ)՝ սկսած 114 դոլարից

Infinix Note 30-ը տպավորում է իր 6,78 դյույմանոց Full HD+ IPS էկրանով՝ 120 Հց թարմացման հաճախականությամբ, ինչն ապահովում է սահուն և բարձրորակ պատկեր։ Սմարթֆոնն ունի MediaTek Helio G99 չիպ, որն ապահովում է բարձր կատարողականություն։ 64 ՄՊ հիմնական տեսախցիկը, որին լրացնում են 2 ՄՊ խորության սենսորը և արհեստական բանականության մոդուլը, թույլ է տալիս բարձրորակ պատկերներ ստանալ։ Բացի դրանից, սարքը ստացել է JBL ստերեո բարձրախոսներ, 45 Վտ արագ լիցքավորում և 5000 մԱ/ժ հզորությամբ մարտկոց։

Redmi Note 12 4G (6/128 ԳԲ)՝ սկսած 192 դոլարից

Redmi Note 12 4G-ն առաջարկում է 6,67 դյույմանոց Full HD+ AMOLED էկրան՝ 120 Հց թարմացման հաճախականությամբ, ինչը առավելագույնս հարմարավետ է դարձնում բովանդակության դիտումը։ Սարքն աշխատում է Snapdragon 685 չիպով, ունի 50 ՄՊ հիմնական տեսախցիկ, ինչպես նաև 8 ՄՊ գերլայնանկյուն սենսոր և 2 ՄՊ մակրո տեսախցիկ։ Առջևի սենսորը 13 ՄՊ է։ 5000 մԱ/ժ հզորությամբ մարտկոցն աջակցում է 33 Վտ լիցքավորում։

Tecno Camon 20 Pro (8/256 ԳԲ)՝ սկսած 199 դոլարից

Tecno Camon 20 Pro-ն ունի 6,67 դյույմանոց Full HD+ AMOLED էկրան՝ 120 Հց թարմացման հաճախականությամբ, ինչն ապահովում է վառ և հստակ պատկեր: Սմարթֆոնն աշխատում է Helio G99 չիպով և ունի տեսախցիկների այնպիսի հավաքածու, ինչպիսին Infinix Note 30-ինն է: Տարբեր է սելֆի տեսախցիկը, որը ներկայացված է 32 ՄՊ սենսորով: 5000 մԱ/ժ հզորությամբ մարտկոցն աջակցում է 33 Վտ լիցքավորում։

Realme 10 (8/128 ԳԲ)՝ սկսած 205 դոլարից

Realme 10-ն ունի կոմպակտ 6,4 դյույմանոց Full HD+ Super AMOLED էկրան թարմացման 90 Հց հաճախականությամբ: Սարքն աշխատում է Helio G99 չիպով և ունի 50 ՄՊ հիմնական տեսախցիկ և 16 ՄՊ դիմային սենսոր։ 5000 մԱ/ժ հզորությամբ մարտկոցն աջակցում է 33 Վտ լիցքավորում։

Poco X5 5G (6/128 ԳԲ)՝ սկսած 220 դոլարից

Poco X5 5G-ը շատ առումներով նման է Redmi Note 12-ին: Սարքը հագեցած է Snapdragon 695 չիպով՝ 5G աջակցությամբ և ունի տեսախցիկների նմանատիպ հավաքածու։ Այս սմարթֆոնը խոստանում է իր գնի համեմատ գերազանց հնարավորություններ տրամադրել։