iPhone 15 Pro-ն կստանա բազմաֆունկցիոնալ կոճակ՝ ձայնային ռեժիմների փոխարկիչի փոխարեն

iPhone 15 Pro-ն եւ iPhone 15 ProMax-ը ձայնային ռեժիմների պարզ փոխարկիչի փոխարեն կստանան կարգավորվող բազմաֆունկցիոնալ կոճակ, ինչպես Apple Watch Ultra-ն: Այս մասին հայտնում է MacRumors պարբերականը՝ վկայակոչելով ինսայդերական աղբյուրին, որն անցյալ տարի ճշգրիտ տվյալներ էր տրամադրել iPhone 14 Pro-ում Dynamic Island-ի մասին։

Աղբյուրի տվյալներով՝ ձայնի ռեժիմների փոխարկիչի փոխարեն, որը 2007 թվականից ի վեր առկա է iPhone-ի բոլոր մոդելներում, նոր սմարթֆոններում կլինի «Գործողություն» (Action) կոճակը, որն օգտատերերին արագ հասանելիություն կապահովի տարբեր գործառույթներին, սակայն թե կոնկրետ որ գործառույթներին, դեռ հայտնի չէ: Հնարավոր է, որ դրան կցվի տեսախցիկի գործարկումը, լապտերի միացումը, հավելվածների գրադարանի գործարկումը, ցածր էներգասպառման ռեժիմի ակտիվացումը, էկրանի սքրինշոթը կամ տեսագրությունը, Shazam-ը եւ այլն:

Այս գործառույթների մեծ մասն արդեն այժմ կարելի է կառավարել iOS 14-ում ներկայացված՝ հետեւի վահանակի վրա թակոցների (Back Tap) գործառույթի միջոցով. եթե երկու կամ երեք անգամ դիպչեք iPhone-ի հետեւի վահանակին, հնարավոր կլինի որոշակի գործողություն առաջացնել, օրինակ՝ միացնել եւ անջատել լապտերը կամ սքրինշոթ անել:

Apple Watch Ultra-ում «Գործողություն» կոճակը կարող է կապված լինել այնպիսի ծրագրերի եւ գործառույթների հետ, ինչպիսիք են «Մարզում», «Վայրկյանաչափ», «Լապտեր» եւ այլն։

Ակնկալվում է, որ iPhone 15 Pro-ն, որը կներկայացվի աշնանը, կստանա նաեւ սենսորային կոճակներ՝ բարձրությունը կարգավորելու համար։

Սմարթֆոնի դիզայնը, ամենայն հավանականությամբ, նույնպես կթարմացվի. այն կստանա 6,1 դյույմանոց էկրան՝ ավելի բարակ շրջանակներով https://tech.news.am/rus/news/797/u-ekrana-iphone-15-pro-budet-noviyiy-dizaiyn.html -1,55 մմ, եթե հավատանք արտահոսքերին, այնուամենայնիվ, տարվա ամենաբարակ հեռախոսի կոչումը նա չի ստանա։ China Star-ը նախատեսում է սկսել 1 մմ լայնությամբ չափազանց նեղ շրջանակով էկրանների զանգվածային արտադրություն: 

iPhone 15 Pro-ի դիսփլեյը նույնպես կթարմացվի. նախնական տեղեկություններով՝ դրա պայծառությունն ավելի բարձր կլինի նախորդ մոդելների համեմատ: Ակնկալվում է նաեւ, որ սմարթֆոնը կստանա 8 ԳԲ օպերատիվ հիշողություն, տեսախցիկ՝ 10x օպտիկական խոշորացումով՝ ներկայիս 3x-ի փոխարեն, եւ, վերջապես, ստանդարտ USB-C պորտ՝ ֆիրմային Lightning-ի փոխարեն: