Կունմին քաղաքում (Յունան նահանգ) տեղական էլեկտրացանցային ընկերությունը գործարկել է անսովոր պիլոտային նախագիծ. բարձրավոլտ գծերի մոնիտորինգի համար այժմ օգտագործվում են ռոբոտներ, որոնք իրենց ձևով և շարժումներով հիշեցնում են օձերի։ Այս լուծումը հատկապես արդիական է բուհերի ազգային ընդունելության քննությունների (գաոկաո) անցկացման ժամանակահատվածում, երբ նույնիսկ էլեկտրաէներգիայի կարճատև ընդհատումները կարող են լուրջ ազդեցություն ունենալ քննությունների ընթացքի վրա։
Ինչպես է կառուցված օձ-ռոբոտըՌոբոտը հագեցած է բարձր ճշգրտության տեսախցիկով և տվիչների (սենսորների) հավաքածուով, որոնք թույլ են տալիս իրական ժամանակում հայտնաբերել.
լարերի և մեկուսիչների վնասվածքները, սարքավորումների մաշվածության նշանները, գերտաքացման օջախները։Ճկուն, սեգմենտավորված (մասնատված) մարմինը սարքին հնարավորություն է տալիս հեշտությամբ հաղթահարել գծի բարդ հատվածները, ներառյալ մեկուսիչները և այլ տարրեր, որոնք դժվար է զննել ավանդական մեթոդներով՝ անօդաչու թռչող սարքերի (դրոնների) օգնությամբ կամ ձեռքով։
Գլխավոր առավելություններից մեկը պոչային մասում տեղակայված անհպում սնուցման համակարգն է։ Ռոբոտն էներգիան ստանում է անմիջապես էլեկտրահաղորդման գծից, ինչը թույլ է տալիս նրան աշխատել գրեթե շուրջօրյա՝ առանց պարբերական վերալիցքավորման անհրաժեշտության։
Ինչո՞ւ է դա անհրաժեշտՕձ-ռոբոտների օգտագործումը զգալիորեն նվազեցնում է ռիսկերը անձնակազմի համար, որը նախկինում ստիպված էր զննումներ իրականացնել մեծ բարձրության վրա՝ բարդ եղանակային պայմաններում։ Բացի այդ, նոր տեխնոլոգիան բարձրացնում է ստուգումների հաճախականությունն ու որակը, ինչը պետք է նվազեցնի վթարների քանակը և կրճատի էլեկտրացանցերի սպասարկման ընդհանուր ծախսերը։
Նախագծի հեռանկարներըԿունմինի էլեկտրացանցային ընկերությունում այս նախագիծը դիտարկում են որպես խելացի էներգահամակարգերի ստեղծման և ռոբոտատեխնիկայի ակտիվ ներդրման ավելի լայն ռազմավարության մաս։ Հաջող փորձարկումներից հետո նախատեսվում է նմանատիպ սարքեր օգտագործել նաև Չինաստանի այլ տարածաշրջաններում։
Կարճ ասածՉինաստանում սկսել են կիրառել օձի տեսքով ռոբոտներ՝ էլեկտրահաղորդման գծերի ստուգման համար։ Սարքերը հագեցած են տեսախցիկներով, տվիչներով և անհպում սնուցման համակարգով, ինչը թույլ է տալիս նրանց աշխատել անընդմեջ։ Տեխնոլոգիան բարձրացնում է էլեկտրացանցերի մոնիտորինգի անվտանգությունն ու արդյունավետությունը, հատկապես բարձր ծանրաբեռնվածության ժամանակաշրջաններում, ինչպիսիք են բուհերի ընդունելության քննությունները։ Նախագիծը մեկնարկել է Կունմինում և կարող է ընդլայնվել ողջ երկրով մեկ։
Հետևեք NEWS.am Tech-ին Facebook-ում և Twitter-ում