2025 թվականի բյուջետային սմարթֆոնների շուկան ուրախացնում է բազմազանությամբ. փոքր գումարով կարելի է ձեռք բերել գերազանց բնութագրերով և ոճային դիզայնով սարք: Tom’s Guide-ը ուսումնասիրել է վերջին մոդելները և ընտրել մինչև $500 արժողությամբ վեց լավագույն հեռախոսներ, որոնք առանձնացել են մարտ ամսվա թեստերի արդյունքներով: Պատմում ենք, թե ինչն է դրանք դարձնում առանձնահատուկ:
1. Nothing Phone 3a Pro. Լավագույն բյուջետային սմարթֆոնԲնութագրեր.• Էկրան՝ 6.77 դյույմ (2392 x 1080)• Պրոցեսոր՝ Snapdragon 7s Gen 3• Օպերատիվ հիշողություն՝ 8 ԳԲ, 12 ԳԲ• Ներկառուցված հիշողություն՝ 128 ԳԲ, 256 ԳԲ (առանց ընդլայնման)• Հիմնական տեսախցիկ՝ 50 ՄՊ (f/1.88), 8 ՄՊ (f/2.2) գերլայնանկյուն, 50 ՄՊ (f/2.55) հեռատեսախցիկ՝ 3x օպտիկական խոշորացմամբ• Դիմային տեսախցիկ՝ 50 ՄՊ (f/2.2)• Քաշ՝ 211 գ
Դրական կողմեր.• Գնի և որակի անհավանական հարաբերակցություն• Բարելավված տեսախցիկ• Մարտկոցի երկար աշխատանք• Արագ լարային լիցքավորում
Թերություններ.• Սահմանափակ հասանելիություն• Snapdragon 7s Gen 3-ը զիջում է մրցակիցներինNothing Phone 3a Pro-ն փոխում է բյուջետային սմարթֆոնների մասին պատկերացումները: $500-ից ցածր գնով ֆունկցիաները կրճատելու փոխարեն այն առաջարկում է ավելին, քան սպասում ես: Թափանցիկ կորպուսը և Glyph լուսադիոդային ինտերֆեյսը նրան տալիս են ֆլագմանային տեսք, իսկ եռակի տեսախցիկը՝ հազվադեպ հանդիպող այս սեգմենտում, ուրախացնում է բարելավված նկարահանմամբ, հատկապես թույլ լուսավորության պայմաններում: Ավելացրեք Essential Space և Key արհեստական բանականության ֆունկցիաները՝ առաջադրանքները կազմակերպելու համար, և 50 Վտ արագ լիցքավորմամբ մարտկոցը՝ և ստացեք վարկանիշի առաջատար:
2. Google Pixel 8a. Լավագույն բյուջետային սմարթֆոն՝ արհեստական բանականությամբԲնութագրեր.• Էկրան՝ 6.1 դյույմ (2400 x 1080)• Պրոցեսոր՝ Tensor G3• Օպերատիվ հիշողություն՝ 8 ԳԲ• Ներկառուցված հիշողություն՝ 128 ԳԲ, 256 ԳԲ (առանց ընդլայնման)• Հիմնական տեսախցիկ՝ 64 ՄՊ (f/1.89), 13 ՄՊ (f/2.2)• Դիմային տեսախցիկ՝ 13 ՄՊ (f/2.2)• Քաշ՝ 193 գ
Դրական կողմեր.• 7 տարվա ծրագրային թարմացումներ• Հարմար արհեստական բանականության ֆունկցիաներ• Լավ ինքնավարություն
Թերություններ.• Տեսախցիկի աննշան բարելավումներ• Դանդաղ լիցքավորումGoogle Pixel 8a-ն գերազանցում է իր նախորդին՝ Pixel 7a-ին, շնորհիվ հզոր արհեստական բանականության ծրագրերի (Magic Editor, Best Take) և Android-ի թարմացումների 7-ամյա ռեկորդային աջակցության: 120 Հց հաճախականությամբ վառ էկրանը և էներգաարդյունավետ Tensor G3 չիպը ապահովում են գերազանց ինքնավարություն: Տեսախցիկները, թեև շատ չեն թարմացվել, մնում են իրենց դասի լավագույններից: $499-ով սա լավագույն ընտրություն է, սակայն Pixel 9a-ի հայտարարությունը կարող է այն տեղահանել առաջին հորիզոնականից:
3. Nothing Phone 3a. Ամենաոճային բյուջետային սմարթֆոնԲնութագրեր.• Էկրան՝ 6.7 դյույմ (2392 x 1080)• Պրոցեսոր՝ Snapdragon 7s Gen 3• Օպերատիվ հիշողություն՝ 12 ԳԲ• Ներկառուցված հիշողություն՝ 256 ԳԲ (առանց ընդլայնման)• Հիմնական տեսախցիկ՝ 50 ՄՊ (f/1.8), 8 ՄՊ (f/2.2) գերլայնանկյուն, 50 ՄՊ (f/2.0) հեռատեսախցիկ՝ 2x օպտիկական խոշորացմամբ• Դիմային տեսախցիկ՝ 32 ՄՊ (f/2.2)• Քաշ՝ 201 գ
Դրական կողմեր.• Հեռատեսախցիկ՝ մինչև $400 սմարթֆոնում• Երկարակյաց մարտկոց՝ արագ լիցքավորմամբ• Վառ և հստակ էկրան• Եզակի դիզայն
Թերություններ.• ԱՄՆ-ում հասանելի է միայն բետա ծրագրով• Արտադրողականությունը զգալիորեն չի բարելավվելNothing Phone 3a-ն ապացուցում է, որ ոճն ու մատչելիությունը համատեղելի են: 6.7 դյույմ AMOLED էկրանը՝ մինչև 120 Հց հաճախականությամբ, և 15 ժամ 24 րոպե աշխատանքը թեստերում տպավորիչ են: 2x խոշորացմամբ հեռատեսախցիկը հազվադեպ է հանդիպում $379 արժեքով սարքերում: Սակայն ԱՄՆ-ում այն կարելի է գնել միայն Nothing-ի բետա ծրագրով:
4. Motorola Moto G 2025. Լավագույն սմարթֆոն՝ մինչև $200Բնութագրեր.• Էկրան՝ 6.7 դյույմ (1604 x 720)• Պրոցեսոր՝ Dimensity 6300• Օպերատիվ հիշողություն՝ 4 ԳԲ• Ներկառուցված հիշողություն՝ 128 ԳԲ (առանց ընդլայնման)• Հիմնական տեսախցիկ՝ 50 ՄՊ (f/1.8), 2 ՄՊ (f/2.4) մակրո• Դիմային տեսախցիկ՝ 16 ՄՊ (f/2.4)• Քաշ՝ 193 գ
Դրական կողմեր.• Էժան մոդելների մեջ լավագույն ինքնավարություն• Ոճային վեգան կաշվե կորպուս• Ծրագրային աջակցության բարելավում
Թերություններ.• Թույլ արտադրողականություն• Խամրած էկրանMoto G 2025-ը $199-ով զարմացնում է աշխատանքի տևողությամբ՝ ավելի քան 18.5 ժամ թեստերում, և 30 Վտ լիցքավորմամբ: Տեսախցիկները լավ են նկարում, իսկ վեգան կաշին ավելացնում է պրեմիում զգացողություն: Բայց արտադրողականությունն ու էկրանի պայծառությունը ցանկալի են թողնում:
5. Samsung Galaxy A35. Samsung-ի լավագույն բյուջետային սմարթֆոնԲնութագրեր.• Էկրան՝ 6.6 դյույմ (2340 x 1080)• Պրոցեսոր՝ Exynos 1380• Օպերատիվ հիշողություն՝ 6 ԳԲ, 8 ԳԲ• Ներկառուցված հիշողություն՝ 128 ԳԲ, 256 ԳԲ (առանց ընդլայնման)• Հիմնական տեսախցիկ՝ 50 ՄՊ (f/1.8), 8 ՄՊ (f/2.2) գերլայնանկյուն, 5 ՄՊ (f/2.4) մակրո• Դիմային տեսախցիկ՝ 13 ՄՊ (f/2.2)• Քաշ՝ 209 գ
Դրական կողմեր.• Վառ և հագեցած էկրան• Circle to Search ֆունկցիայի աջակցություն• Սոլիդ դիզայն
Թերություններ.• Զիջում է մրցակիցներին արտադրողականությամբ• Կորպուսին մնում են մատնահետքերGalaxy A35-ը $399-ով ուրախացնում է վառ էկրանով և արժանապատիվ դիզայնով: Տեսախցիկները լավն են, իսկ Circle to Search-ի նման արհեստական բանականության ֆունկցիաները հաճելի բոնուս են: Բայց Exynos 1380 չիպն արդեն հնացել է, ինչը նկատելի է այլ մոդելների հետ համեմատության ժամանակ:
6. Motorola Moto G Power 2025. Ամենաերկարակյաց մարտկոցԲնութագրեր.• Էկրան՝ 6.8 դյույմ (2388 x 1080)• Պրոցեսոր՝ MediaTek Dimensity 6300• Օպերատիվ հիշողություն՝ 8 ԳԲ• Ներկառուցված հիշողություն՝ 128 ԳԲ (ընդլայնելի)• Հիմնական տեսախցիկ՝ 50 ՄՊ (f/1.8), 8 ՄՊ (f/2.2) գերլայնանկյուն• Դիմային տեսախցիկ՝ 16 ՄՊ (f/2.4)• Քաշ՝ 207 գ
Դրական կողմեր.• Մարտկոցի երկար աշխատանք• Բարձր ամրություն• Ծրագրային աջակցության բարելավում• Անլար լիցքավորում $299-ով
Թերություններ.• Խամրած էկրան• Թույլ գիշերային նկարահանում
Moto G Power 2025-ը 5000 մԱժ մարտկոցով աշխատում է 17 ժամ 13 րոպե և աջակցում է անլար լիցքավորմանը՝ ինչը հազվադեպ է $299 արժեքով սարքերում: Տեսախցիկները լավ են վառ լույսի դեպքում, իսկ ծրագրային աջակցությունը բարձրացել է մինչև Android-ի 2 տարվա թարմացումներ: Բայց էկրանը խամրած է, իսկ արտադրողականությունը՝ թույլ:
Ո՞րն ընտրելԱյս սմարթֆոններն ապացուցում են, որ համեստ գումարով կարելի է ձեռք բերել գերազանց սարքեր: Nothing Phone 3a Pro-ն առաջատար է բազմակողմանիությամբ, Pixel 8a-ն՝ աջակցությամբ և արհեստական բանականությամբ, իսկ Moto G Power 2025-ը՝ ինքնավարությամբ:
Հետևեք NEWS.am Tech-ին Facebook-ում և Twitter-ում