Apple-ը հայտարարել է App Store Awards 2022-ի հաղթողներին։ Մրցանակաբաշխության շրջանակում որոշվել են, թե որոնք են 16 լավագույն հավելվածներն ու խաղերը, որոնք կարելի է ներբեռնել App Store-ից։
Ինչպես տեղեկացնում է ընկերությունը, հաղթող են ճանաչվել այն հավելվածները, որոնք «ոգեշնչել են օգտատերերին ավելի խորը շփում հաստատել աշխարհի հետ, ընդլայնել երևակայությունը և կապի մեջ մնալ ընկերների և սիրելիների հետ»:
Հաղթած բոլոր խաղերի և հավելվածների հեղինակները վերամշակված ալյումինից պատրաստված մրցանակներ կստանան։ Հաղթողների ցանկը հետևյալ տեսքն ունի՝
Տարվա հավելվածներ
iPhone-ի համար – BeReal սոցիալական ցանցը, iPad-ի համար – GoodNotes 5 նշումները, Mac-ի համար – տեսողական տոհմածառեր MacFamilyTree 10-ը, Apple TV-ի համար – ViX սթրիմինգային ծառայությունը, Apple Watch-ի համար – Gentler Streak ֆիթնես թրեքերը։Տարվա խաղեր
iPhone-ի համար – Apex Legends Mobile մարտախաղը, iPad-ի համար –Moncage գլուխկոտրուկը, Mac-ի համար – Inscryption խաղաքարտերով խաղը, Apple TV-ի համար – Wild West-ի մոտիվներով El Hijo խաղը, Apple Arcade-ում – Wylde Flowers սիմուլյատորը, Լավագույն չինական խաղ – League of Legends Esports Manager-ը։App Store-ը նաև առանձնացրել է հինգ հավելված «Մշակութային ազդեցություն» կատեգորիայի ներքո: Այս հավելվածները, խմբագիրների խոսքով, «մարդկանց կոչ են անում ուշադրություն դարձնել իրենց զգացմունքներին, սովորեցնում են անկեղծ լինել ուրիշների հետ շփումներում և առաջարկում են ըստ արժանվույն հարգել նախորդ սերունդների ժառանգությունը»:
How We Feel – հավելված, որը թույլ է տալիս պարզ թեստերի միջոցով գնահատել ձեր հուզական վիճակը, Dot’s Home – խաղ, որում արտացոլվում է գունավոր մաշկ ունեցողների համայնքների նկատմամբ անարդար վերաբերմունքի խնդիրը, Locket Widget – հավելված, որը թույլ է տալիս հիմնական էկրանին տեղադրել ընտանիքի և ընկերների լուսանկարները, Waterllama – հավելված, որն օգնական կերպարների միջոցով օգնում է վերահսկել խմելու ռեժիմը, Inua – A Story in Ice and Time – խաղ, որում առեղծվածային արկածը հնարավորություն է տալիս ուսումնասիրել պատմական իրադարձությունները, որոնք միահյուսված են ինուիտ ավանդույթների, բանահյուսության և հեքիաթների տարրերով:Ինչպես տեղեկացնում է Apple-ը, App Store-ում ներկայումս տեղադրված է 1,8 միլիոն հավելված, և 175 երկրից շաբաթական ավելի քան կես միլիարդ մարդ է այցելում այն։ Միայն 2020 թ․ այս խանութում տեղադրվել և վաճառվել են 643 միլիարդ դոլարի հավելվածներ։
Հետևեք NEWS.am Tech-ին Facebook-ում և Twitter-ում