Սույն թվականի հոկտեմբերի 12-13-ին ՀՀ Գիտությունների ազգային ակադեմիայում (Մարշալ Բաղրամյան 24) կանցկացվի «Գիտության և կրթության ցուցահանդես»՝ նվիրված ՀՀ ԳԱԱ 80-ամյա հոբելյանին։ Միջոցառումը կազմակերպում են ՀՀ Գիտությունների ազգային ակադեմիան և ՀՀ կրթության, գիտության, մշակույթի և սպորտի նախարարությունը։
«Գիտության և կրթության ցուցահանդես»-ը կմեկնարկի հոկտեմբերի 12-ին՝ ժամը 10։00-ին։ Ողջույնի խոսքով հանդես կգան ՀՀ ԳԱԱ նախագահ, ակադեմիկոս Աշոտ Սաղյանը, ՀՀ կրթության, գիտության, մշակույթի և սպորտի նախարար Ժաննա Անդրեասյանը, ԵՊՀ ռեկտոր Հովհաննես Հովհաննիսյանը։
Ինչպես տեղեկացնում է ՀՀ ԳԱԱ գիտության հանրայնացման և հասարակայնության հետ կապերի բաժինը, ցուցահանդեսին կներկայանան ՀՀ ԳԱԱ գիտահետազոտական կազմակերպությունները, ՀՀ պետական խոշոր բուհերը, ոչ ակադեմիական գիտական կազմակերպությունները։ Կմասնակցեն պետական և մասնավոր հատվածի, միջազգային կառույցների ներկայացուցիչներ, գիտության և կրթության ոլորտի աշխատակիցներ, ուսանողներ, ավագ դպրոցների աշակերտներ:
Ցուցահանդեսը կշարունակվի մինչեւ հոկտեմբերի 13-ին։
Հետևեք NEWS.am Tech-ին Facebook-ում և Twitter-ում