Apple-ի շնորհանդեսը, որի ընթացքում կցուցադրվեն iPhone 15 սմարթֆոնների շարքը և այլ հետաքրքիր նոր գաջեթներ, նախատեսվում է սեպտեմբերի 12-ին: Այս ամսաթիվը հաստատել է Bloomberg-ի լրագրող և հայտնի ինսայդեր Մարկ Գուրմանը։
Աշնանային iPhone-ի շնորհանդեսներ. մի փոքր պատմությունՈրպես կանոն, iPhone-ի նոր մոդելների ներկայացումը տեղի է ունենում սեպտեմբերի առաջին երկու շաբաթներին, ամենից հաճախ՝ երեքշաբթի օրը։ Դա պայմանավորված է նաև նրանով, որ սեպտեմբերի սկզբին նոր սարքեր թողարկելը թույլ է տալիս Apple-ին ավելացնել դրանց վաճառքը մինչև ֆինանսական եռամսյակի ավարտը եւ արդյունավետորեն պլանավորել ընկերության ֆինանսական արդյունքները:
Ի՞նչ սպասել շնորհանդեսիցԱկնկալվում է, որ սեպտեմբերի 12-ին Apple-ը կներկայացնի նոր սմարթֆոնների շարքը՝ iPhone 15, 15 Plus, 15 Pro և 15 Pro Max: Բացի այդ, ընկերությունը կներկայացնի նաև Watch Series 9-ի թարմացված ժամացույցը, ինչպես նաև նոր Watch Ultra մոդելը:
Այս միջոցառումը խոստանում է շատ հետաքրքիր լինել տեխնոլոգիաների և նորարարությունների սիրահարների համար:
Առցանց ձևաչափԱյս տարի Apple-ը կանցկացնի iPhone 15-ի շնորհանդեսը առցանց ձևաչափով, կցուցադրի բեմադրված ձայնագրություն իր կայքում և իր Apple Park կամպուսում, որից հետո կբացվեն դեմո գոտիներ լրագրողների և բլոգերների համար, որտեղ հնարավոր կլինի տեսնել նոր սարքերը և հարցեր տալ ընկերության ներկայացուցիչներին:
Այս ձևաչափը թույլ կտա ընկերությանը վերահսկել շնորհանդեսի ընթացքը և խուսափել չնախատեսված իրավիճակներից, ինչպես նաև օգտագործել թվային էֆեկտներ և սահուն անցումներ շնորհանդեսի հատվածների միջև։
Ինչպիսի՞ն կլինի նոր iPhone 15-ըՆոր iPhone 15-ը դեռ ոչ ոք չի տեսել, սակայն դրանց արտաքինի մասին արդեն շատ բան է հայտնի։ Insider Majin Bu-ն իր X (նախկին Twitter) էջում հրապարակել է լուսանկարներ, որտեղ ցուցադրվում է iPhone 15-ի էկրանի ապակին: Լուսանկարը հաստատում է, որ էկրանի շրջանակները իսկապես շատ բարակ են լինելու:
Վաղ արտահոսքերը ենթադրում էին, որ էկրանի շուրջ շրջանակները մոտ 1,5 մմ հաստություն ունեն, ինչը ռեկորդային բարակ է: Այնուամենայնիվ, հարկ է նշել, որ այլ արտադրողներ նույնպես ակտիվորեն աշխատում են շրջանակների չափսերի կրճատման վրա, և լուրեր են շրջանառվում, որ Xiaomi-ն եւս պատրաստվում է թողարկել ավելի բարակ շրջանակներով ֆլագմանային սմարթֆոն:
Հետևեք NEWS.am Tech-ին Facebook-ում և Twitter-ում