Նախընտրելի
Բրիտանացի գիտնականները Դարթմուտի քոլեջից և Էքսեթերի համալսարանից եկել են անսպասելի եզրակացության. ակտիվ գալակտիկական միջուկներից (ԱԳՄ)՝ գալակտիկաների կենտրոնում գտնվող գերճանգվածային սև խոռոչներից եկող ճառագայթումը ոչ միայն չի ոչնչացնում կյանքը, այլև կարող է նպաստել նրա առաջացմանը։ Հետազոտությունը հրապարակվել է The Astrophysical Journal (TAJ) ամսագրում։
Ինչպե՞ս է ԱԳՄ ճառագայթումը ազդում մոլորակների մթնոլորտի վրա
Համակարգչային մոդելավորման միջոցով գիտնականները վերլուծել են հզոր ուլտրամանուշակագույն ճառագայթման ազդեցությունը տարբեր տեսակի մթնոլորտ ունեցող մոլորակների վրա։ Արդյունքները ցույց են տվել, որ բարձր էներգիայի ճառագայթները կարող են բաժանել թթվածնի մոլեկուլները՝ ազատելով առանձին ատոմներ։ Դրանք միավորվելով առաջացնում են օզոն՝ տարր, որը կարևոր դեր է խաղում կյանքը վնասակար ճառագայթումից պաշտպանելու գործում։
«Երբ մոլորակի մթնոլորտը հարստանում է թթվածնով, ճառագայթումը դառնում է ոչ միայն պակաս կործանարար, այլև օգտակար», – նշել է հետազոտության առաջատար հեղինակ Քենդալ Սիպին։
Օզոնի պաշտպանական ազդեցությունը
Որքան ավելի շատ թթվածին է պարունակում մոլորակի մթնոլորտը, այնքան մեծ է հավանականությունը, որ կձևավորվի հզոր օզոնային շերտ։ Սա ստեղծում է պաշտպանիչ բարիեր կոշտ ուլտրամանուշակագույն ճառագայթման դեմ, ինչը կարող է բարձրացնել կյանքի առաջացման և զարգացման հավանականությունը։
Ազդեցությունը Երկրի վրա
Գիտնականները նշում են, որ Երկիրը չափազանց հեռու է Գալակտիկայի կենտրոնում գտնվող գերճանգվածային սև խոռոչից, ուստի նրա ճառագայթումը չի ազդել մեր մոլորակի օզոնային շերտի ձևավորման վրա։
Նոր հորիզոններ երկրագնդից դուրս կյանքի որոնման համար
Ստացված տվյալները օգնում են ավելի լավ հասկանալ այն պայմանները, որոնց ներքո կարող է գոյություն ունենալ կյանքը Արեգակնային համակարգից դուրս։ Հետազոտությունը բացում է նոր հեռանկարներ բնակության համար պիտանի էկզոմոլորակների որոնման մեջ, հատկապես այն գալակտիկաներում, որտեղ ակտիվ սև խոռոչները ազդում են շրջապատող տարածության վրա։
Այսպիսով, ճառագայթումը, որը ավանդաբար համարվում է կյանքին թշնամական գործոն, կարող է, հակառակը, նպաստել դրա առաջացմանը Տիեզերքի լայնամասշտաբ շրջանակներում։
