Նախընտրելի
Nubia-ն պատրաստվում է այս շաբաթ թողարկել իր նոր՝ Nubia Z70 Ultra առաջատար սմարթֆոնը, որը ռեկորդակիր է մի քանի պարամետրով՝ չունի շրջանակ, ոչ էլ կտրվածք էկրանին։
MyDrivers պարբերականն արդեն ստացել է նոր արտադրանքը և հրապարակել է սմարթֆոնի, լիցքավորիչի և փաթեթավորման լուսանկարները: Լիցքավորիչը կապահովի 80 Վտ հզորություն։
Ավելի վաղ հաղորդվում էր, որ Z70 Ultra-ն կունենա 6,85 դյույմանոց էկրան՝ 95,3% արդյունավետ էկրանով: Սմարթֆոնը կներկայացնի արդյունաբերության առաջին 1,5K լուծաչափով էկրանը՝ ենթաէկրանային տեսախցիկով, 144 Հց թարմացման արագությամբ առաջին առանց կտրվածքի էկրանը և 2000 նիտ առավելագույն պայծառությամբ առաջին՝ առանց կտրվածքի էկրանը:
Բացի դրանից՝ սմարթֆոնը կառաջարկի 430 PPI պիքսելների խտություն՝ էկրանի ներսում գտնվող սելֆի տեսախցիկի շուրջ: Էկրանային առջևի տեսախցիկի տեխնոլոգիան ունի Nubia AI 7.0 հատուկ ալգորիթմի աջակցություն, որը ենթաէկրանային տեսախցիկին կօգնի հստակ նկարներ անել:
Նախկինում Nubia-ի գործադիր տնօրեն Նի Ֆեյն ասել էր, որ Nubia Z70 Ultra-ն հագեցած է ոչ միայն եզակի էկրանով, այլև նորացված 35 մմ հիմնական տեսախցիկով:
