Ներկայացվել է աշխարհի ամենահզոր սմարթֆոններից մեկը

Չինաստանում ընթանում է նոր Red Magic 10 շարքի սմարթֆոնների շնորհանդեսը, որի ընթացքում հրապարակվել են AnTuTu հարթակում շարքի առաջատար մոդելի՝ Red Magic 10 Pro-ի կատարողականի արդյունքները։ Snapdragon 8 Elite կամ Dimensity 9400 պրոցեսորով արդեն ներկայացված ֆլագմաններից և ոչ մեկը չի գրանցել նման արդյունք. նրանց կատարողականը չի հասնում 3,1 միլիոն միավորի։

Այսպիսի բարձր արդյունքի հասնելու հնարավորություն է տվել մեկ չիպային համակարգի հովացման հզոր համակարգը, որում օգտագործվում է հովացուցիչ՝ 23,000 պտույտ/րոպե արագությամբ և գոլորշիացման խցիկ՝ 12,000 մմ2 մակերեսով:

Red Magic 10 Pro-ն ներկայացվում է որպես խաղային առաջատար սմարթֆոն, որն ի վիճակի է 2K լուծաչափով խաղերում ապահովել 120 կադր/վրկ արագություն: Օրինակ՝ Genshin Impact խաղում կադրերի միջին արագությունը կազմում է 118 կադր/վ է:

Red Magic 10 Pro-ն ունի 6,85 դյույմանոց էկրան՝ 1,5K կետայնությամբ և 144 Հց կադրերի հաճախականությամբ, 7050 մԱ/ժ հզորությամբ մարտկոց՝ 100 Վտ լիցքավորման աջակցությամբ։ Սմարթֆոնի ավագ տարբերակն ունի 24 ԳԲ օպերատիվ և 1 ՏԲ ներկառուցված հիշողություն։

Սմարթֆոնն առաջարկում է մի քանի գունային տարբերակներով՝ սև, մոխրագույն և կիսաթափանցիկ։ Էկրանի շրջանակը բավականին փոքր է, և կտրվածքներ չկան՝ առջևի տեսախցիկը թաքնված է էկրանի տակ: