YouTube-յան ալիքը բաժանորդների թվով նոր ռեկորդ է սահմանել․ որքան գումար է այն վաստակում

Vlogger MrBeast-ը YouTube-ում բաժանորդների քանակով շրջանցել է հնդկական T-Series երաժշտական ​​ընկերությանը և դարձել հարթակի ամենահայտնի ալիքը։ Այս մասին հայտնում է GameRant-ը։

Լուրը հրապարակելու պահին MrBeast-ի YouTube-ի ալիքն ուներ 269 միլիոն բաժանորդ, ինչը 3 միլիոնով ավելի է T-Series-ի բաժանորդների թվից։ Այս ձեռքբերումը հնարավոր է դարձել, երբ MrBeast-ը հունիսի 1-ին գրանցեց նոր բաժանորդների ռեկորդային քանակ:

X-ի իր էջում Ջեյմս Սթիվեն Դոնալդսոնը (վլոգերի իսկական անունը) գրել է, որ իրենից ավելի քան վեց տարի է պահանջվել այս նպատակին հասնելու համար։

Դոնալդսոնը հայտնի է իր շոուներով, որտեղ մասնակիցները գումարի դիմաց փորձառություններ են անցնում։ Այս ալիքի յուրաքանչյուր տեսանյութ տասնյակ միլիոնավոր դիտումներ է ունենում։

Վլոգերի ալիքի ամենահայտնի հոլովակը «The Squid Game» հեռուստասերիալի պարոդիան է, որն ունի ավելի քան 615 միլիոն դիտում:

Statista.com-ի տվյալներով՝ MrBeast ալիքը Youtube-ից 2023-ին մոտ 82 մլն դոլար է աշխատել։ Նրան հաջորդում են Rett and Link (մոտ 35 մլն դոլար) և Preston Arsement (մոտ 35 դոլար) ալիքները։ Առաջին հնգյակում են նաև յութուբյան Ryan Kaji (մոտ 35 մլն դոլար) և Jake Paul (մոտ 34 մլն դոլար) ալիքները։