Apple-ը հայտարարել է, թե որոնք են իր ամենամյա Design Awards-ի մրցանակի եզրափակիչ փուլն անցած հավելվածները յոթ անվանակարգերում: Ցանկը ներառում է 42 հավելված տարբեր կատեգորիաների համար, ներառյալ նոր տարածական հաշվարկներ (Spatial Computing) կատեգորիան:
Հաճույք և զվարճանք
Ըստ Apple-ի, «այս կատեգորիայի եզրափակիչ մասնակիցները տրամադրում են անմոռանալի, գրավիչ փորձառություններ՝ բարելավված Apple տեխնոլոգիայով»:
Ներառականություն
Apple-ը հայտարարում է, որ «այս կատեգորիայի հավելվածներն աջակցում են տարբեր ծագման, կարողությունների և լեզուների օգտատերերին»:
Նորարարություններ
Այս կատեգորիայի հավելվածներն «օգտագործում են Apple-ի տեխնոլոգիաները նոր ձևերով, որոնք նրանց առանձնացնում են իրենց ժանրում»:
Փոխազդեցություն
Այս կատեգորիայի հավելվածներն «առաջարկում են ինտուիտիվ միջերեսներ և օգտագործողի համար կառավարման տեսանկյունից հարմար տարրեր, որոնք կատարելապես հարմարեցված են իրենց հարթակին»:
Սոցիալական ազդեցություն
«Այս կատեգորիայի եզրափակիչ փուլ անցած մասնակիցները զգալիորեն բարելավում են կյանքը և կարևորում կարևոր խնդիրները»,- նշում է ընկերությունը։
Տեսողական էֆեկտներ և գրաֆիկա
Apple-ը նշում է, որ «այս կատեգորիայի հավելվածներն առանձնանում են ցնցող վիզուալներով, հմտորեն մշակված միջերեսներով և բարձրորակ անիմացիաներով՝ միասնական, հստակ ոճով»:
Տարածական հաշվարկներ
Նոր կատեգորիայում Apple-ն առանձնացրել է հավելվածները, որոնք ունեն «տարածական հաշվարկների արտասովոր վարպետություն»:
Ընկերությունը հաղթողներին կհայտարարի WWDC 2024 համաժողովի ժամանակ, որը կանցկացվի հունիսի 10-ից 14-ը։ Հաղթողներն ավանդաբար կստանան ալյումինե խորանարդ, որի վրա փորագրված է հավելվածի անվանումը և անվանակարգը, ինչպես նաև այլ մրցանակներ Apple-ից։
ամիս
շաբաթ
օր