Passkey տեխնոլոգիա. WhatsApp-ի` iPhone-ի համար տարբերակը նոր գործառույթ կստանա

Անցյալ տարի WhatsApp մեսենջերի ադմինիստրացիան հայտարարել էր մուտքի բանալու (Passkey տեխնոլոգիա) աջակցություն գործարկելու մասին՝ որպես գաղտնաբառերի համեմատ ավելի ապահով նույնականացման մեթոդ, սակայն մինչ այժմ գործառույթն առկա էր միայն Android-ում: Այժմ Passkey տեխնոլոգիան կունենա նաև WhatsApp-ի՝ iPhone-ի համար նախատեսված տարբերակը։

WhatsApp-ի՝ iPhone-ի համար նախատեսված վերջին բետա տարբերակում կա նոր ընտրացանկ՝ Passkey-ի կարգավորման համար, հայտնում է WABetaInfo-ն։ Գործառույթը դեռ միացված չէ, բայց այն կաշխատի մոտ ապագայում, վստահ է աղբյուրը։

Passkey տեխնոլոգիան մշակում է FIDO Alliance-ը խոշոր տեխնոլոգիական ընկերությունների, այդ թվում՝ Apple-ի, Google-ի և Microsoft-ի աջակցությամբ: Ավանդական գաղտնաբառերի փոխարեն այն թույլ է տալիս մուտք գործել՝ օգտագործելով կենսաչափական տվյալները:

Safari-ում և iCloud Keychain-ում մ Passkey-ի գործառույթը հայտնվել է Apple iOS 16-ում, իսկ iOS 17-ով տեխնոլոգիան տարածվում է երրորդ կողմի հավելվածների վրա: Apple սարքերում գաղտնաբառերն աշխատում են Face ID-ով կամ Touch ID-ով:

Օրերս հայտնի դարձավ, որ Apple iOS հավելվածը հնարավորություն է տալիս X սոցցանց մուտք Passkey տեխնոլոգիայի միջոցով։ Նոր հնարավորությունը, այդուհանդերձ, առայժմ հասանելի է միայն ԱՄՆ-ում:

Նոյեմբերին WhatsApp-ն ստացել է էլփոստով նույնականացման գործառույթը՝ ավանդական SMS-ի փոխարեն: Հարթակի ադմինիստրացիան պատրաստում է նաև հեռախոսահամարների փոխարեն օգտվողների անունների փոխանակման հնարավորությունը։ Մշակվում է հավելվածի՝ iPad-ի համար նախատեսված տարբերակը։