Microsoft-ը կթողարկի առաջին անհատական ​​համակարգիչները, որոնք ներկառուցված ԱԲ կունենան

Ամերիկյան Microsoft ընկերությունը հայտարարել է Surface նոութբուքների և պլանշետների իր շարքի առաջիկա թարմացման մասին: Սարքերը համալրված կլինեն հաջորդ սերնդի նեյրոնային պրոցեսորներով՝ արհեստական բանականության (ԱԲ) ներկառուցված գործառույթների աջակցությամբ, հայտնում է Windows Central կայքը։

Կայքի աղբյուրների տվյալներով՝ Surface Pro 10-ը և Surface Laptop 6-ը կհամալրվեն Qualcomm Snapdragon X չիպերով, որոնք հիմնված են ARM ճարտարապետության կամ 14-րդ սերնդի Intel պրոցեսորների վրա։

Microsoft-ի ներսում Qualcomm չիպերի վրա հիմնված հաջորդ սերնդի ARM սարքերը կոչում են CADMUS համակարգիչներ: Այս տեխնիկան հատուկ մշակվում է Windows օպերացիոն համակարգի նոր տարբերակի համար, որի կոդային անունն է Hudson Valley: Դրանում կօգտագործվեն հաջորդ սերնդի արհեստական բանականության ապագա հնարավորություններից շատերը:

Microsoft-ը CADMUS համակարգիչները դիրքավորում է որպես Apple սարքերի մրցակիցներ, որոնք ունեն մեկ լիցքավորմամբ մարտկոցի աշխատանքի նույն տևողությունը, արդյունավետությունը և անվտանգությունը: Սպասվում է, որ հաջորդ Surface Pro-ն և Surface Laptop-ը կլինեն առաջին CADMUS համակարգիչները, որոնք վաճառքի կհանվեն հաջորդ տարի՝ Hudson Valley-ի թողարկմանը նախապատրաստվելու շրջանակում: