Humane-ը նոր սարք է ներկայացրել՝ որպես սմարթֆոնին այլընտրանք․ ի՞նչ գործառույթներ ունի այն

Apple-ի նախկին աշխատակիցների հիմնադրած Humane ստարտափը ներկայացրել է AI Pin կոչվող սարքը, որը որպես այլընտրանք է ներկայանում դասական սմարթֆոնին:

Նորույթը մագնիսական ամրակով մոդուլ է, որը կարող է տեղադրվել հագուստի վրա: Աքսեսուարը չունի էկրան, քանի որ AI ​​Pin-ի հետ ամբողջ փոխազդեցությունն իրականացվում է ձայնային հրամանների, սարքի վրա տեղադրված սենսորային վահանակի, ինչպես նաև ժեստերի միջոցով, որոնք կարդում են ներկառուցված տեսախցիկը և մի քանի սենսորները:

AI ​​Pin-ն ունի նաև պրոյեկտոր, որը կարող է տեղեկությունները ցուցադրել տարբեր մակերեսների վրա:

Սարքն աշխատում է CosmOS օպերացիոն համակարգով և հատուկ AI Mic ծրագրով, որը միացնում է AI Pin-ը Microsoft-ի և OpenAI արհեստական ​բանականության մոդելներին։ Նորույթի հեղինակները խոստանում են, որ աքսեսուարը լիովին ինքնավար է և չի պահանջում սինխրոնիզացիա սմարթֆոնների հետ։

AI Pin-ի տեխնիկական բնութագրերի մասին տեղեկություններ չեն հաղորդվում: Միայն հայտնի է, որ նորույթն աշխատում է Qualcomm-ի Snapdragon պրոցեսորով, և դրանից օգտվելու համար հարկավոր է ամսական բաժանորդագրություն։ Ամսական 24 դոլարով բաժանորդագրության դիմաց օգտվողը կստանա eSIM քարտ T-Mobile օպերատորից, ամպային պահեստավորում և հասանելիություն արհեստական ​​բանականության մոդելների:

AI ​​Pin-ը, սակայն, էժան չէ, այն կարժենա $699. սարքի պատվերներ հնարավոր կլինի անել 2023-ի նոյեմբերի 16-ից, իսկ հաճախորդներին առաքումները կսկսվեն 2024-ին: