Apple-ի գրեթե բոլոր ծառայություններն անհասանելի կդառնան հին ՕՀ-ով սարքերի համար․ ո՞ր սարքերի մասին է խոսքը

Apple-ի գրեթե բոլոր ծառայությունները, բացառությամբ iCloud ամպային պահեստի, անհասանելի կդառնան հնացած օպերացիոն համակարգերով աշխատող սարքերի համար, այս մասին Twitter-ում հայտնել է ինսայդեր StellaFudge-ը։

«Մայիսի սկզբից Apple-ի ծառայություններին հասանելիությունը, բացառությամբ iCloud-ի, այլևս կդադարեցվի այն սարքերի համար, որոնք աշխատում են iOS 11-11.2.6, macOS 10.13-10.13.3, watchOS 4-4.2.3, tvOS 11-11.2.6-ով։ Ամենայն հավանականությամբ, դուք թարմացման առաջարկով ծանուցում կստանաք»,- գրել է աղբյուրը։  

As of early May, access to Apple services, with the exception of iCloud, will stop working on devices running:
- iOS 11-11.2.6
- macOS 10.13-10.13.3
- watchOS 4-4.2.3
- tvOS 11-11.2.6
You'll likely receive notification prompting you to update

— Stella - Fudge (@StellaFudge) April 5, 2023

Այսպիսով, ծառայությունները կդադարեն հասանելի լինել iPhone iOS 11 և ավելի ցածր օպերացիոն համակարգերով, macOS 10.13 High Sierra և ավելի ցածր մոդելի համակարգիչների համար նախատեսված օպերացիոն համակարգերով աշխատող սարքերի համար։

Apple-ի աջակցության կայքը նախկինում տեղեկացրել էր, որ «ծրագրային ապահովման ավելի հին տարբերակներն այլևս չեն աջակցի Apple ծառայություններին, ինչպիսիք են App Store-ը, Siri-ն և Maps»-ը: Համացանցում նաև տեղեկություններ կան, որ iMessage-ը և FaceTime-ը կշարունակեն աշխատել նույնիսկ նման սարքերի վրա։

Նշենք, որ StellaFudge-ը վստահելի աղբյուր է։ Նախկինում նա AirPods Max ականջակալների և AirTags ստեղնաշարի իրական լուսանկարները հրապարակել էր դրանց թողարկումից առաջ, ինչպես նաև մանրամասներ ներկայացրել այնպիսի արտադրանքների մասին, ինչպիսիք են M1 iPad Pro պլանշետը և iPhone 12 սմարթֆոնների շարքը: