Meta-ն մարդկային ռիսկերի կառավարման բաժնում աշխատակիցներին փոխարինում է ԱԲ-ով

Meta-ն տեղեկացրել է իր ռիսկերի և համապատասխանության բաժնի աշխատակիցներին, որ նրանց պաշտոնները վերացվում են, քանի որ ընկերությունը անցնում է ձեռքով կառավարումից դեպի ԱԲ-ի վրա հիմնված ավտոմատացված գործընթացներ, ինչը նշանավորում է զգալի փոփոխություն դաշնային կարգավորիչների կողմից սահմանված կանոնների պահպանման ապահովման մեջ, գրում է Business Insider-ը։

Meta-ի համապատասխանության և գաղտնիության գծով տնօրեն Միշել Պրոտտին կրճատումների մասին հայտարարել է ներքին ծառայողական հուշագրում՝ նշելով, որ ընկերությունը «անցնում է ձեռքով ստուգումներից դեպի ավելի ավտոմատացված գործընթացներ» և ընդգծելով, որ «առօրյա  որոշումներն այժմ կարող են արդյունավետ կերպով մշակվել տեխնոլոգիաների միջոցով»։ Աշխատանքից ազատված  աշխատակիցների թիվը չի բացահայտվել։

Ավտոմատացումը փոխարինում է FTC-ի պահանջած հսկողությանը

Կրճատումները վերաբերում են Meta-ի ռիսկերի կառավարման բաժնին՝ ստորաբաժանմանը, որը ստեղծվել է այն բանից հետո, երբ ընկերությունը 2019 թվականին Cambridge Analytica-ի սկանդալից հետո վճարել է Դաշնային առևտրի հանձնաժողովի կողմից սահմանված ռեկորդային 5 միլիարդ դոլար տուգանք։ Ստորաբաժանումն ապահովում է Meta-ի գաղտնիության կանոնների պահպանումն ամբողջ աշխարհում և հատուկ ստեղծվել է FTC-ի հետ համաձայնագրով սահմանված կարգավորիչ պահանջները կատարելու համար։

«Անցնելով անհատական ձեռքով ստուգումներից դեպի ավելի հետևողական և ավտոմատացված գործընթաց՝ մենք կարողացանք ապահովել ավելի ճշգրիտ և հուսալի համապատասխանության արդյունքներ ամբողջ Meta-ում», — գրել է Պրոտտին հուշագրում։ Վերակառուցումը վերաբերում է Product Risk Program Manager, Shared Services և Global Security & Privacy թիմերին, ընդ որում որոշ գործառույթներ միավորվում են Լոնդոնում։

Կրճատումները տեղի են ունենում ընդամենը մեկ օր այն բանից հետո, երբ Meta-ն ազատել է 600 աշխատակից Superintelligence Labs արհեստական բանականության ստորաբաժանումից՝ գլխավոր ԱԲ տնօրեն Ալեքսանդր Վանգի ղեկավարությամբ։ Վանգը պաշտպանել է այդ կրճատումները առանձին հուշագրում՝ գրելով, որ «կրճատելով մեր թիմի չափը՝ կպահանջվի ավելի քիչ քննարկում որոշումներ կայացնելու համար, և յուր ամարդ ավելի անփոխարինելի կլինի և կունենա ավելի շատ լիազորություններ և ազդեցություն»։