Ինչու՞ են դեռահասներն իրենց գաղտնիքները վստահում չատ բոտերին և որքա՞ն վատ է դա

Միայնակ դեռահասներն ավելի հաճախ են օգտվում արհեստական բանականության վրա հիմնված չատ բոտերից՝ շփվելու համար՝ սոցիալական աջակցության պակասի պատճառով: Այս եզրակացությանն են հանգել International Journal of Human-Computer Studies (IJHCS) ամսագրում հրապարակված հետազոտության հեղինակները:

Հետազոտությունը և դրա եզրակացությունները

Օրհուսի համալսարանի (Դանիա) գիտնականները հարցում են անցկացրել 15 դպրոցների 1599 ավագ դպրոցականների շրջանում: Նրանք ուսումնասիրել են.

• Չատ բոտերի հետ շփման հաճախականությունը,
• Փոխազդեցության նպատակները,
• Մենակության և սոցիալական աջակցության մակարդակը:

Հիմնական եզրակացություններ.

• Դպրոցականների 14,6%-ը ամենաքիչը ամիսը մեկ անգամ ընկերական ձևաչափով շփվել է չատ բոտերի հետ,
• Միայն 2,4%-ն է օգտագործել դրանք էմոցիոնալ աջակցության համար,
• Այս աշակերտներն իրենց ավելի մենակ էին զգում և ստանում էին ավելի քիչ սոցիալական աջակցություն:

«Մենք հայտնաբերել ենք, որ բավական փոքր թվով դեռահասներ են փնտրում էմոցիոնալ աջակցություն չատ բոտերից: Սա զարմանալի է, հաշվի առնելով այն տարածված կարծիքը, որ նման տեխնոլոգիաները լայնորեն օգտագործվում են», - նշել է հետազոտության առաջատար հեղինակ Արթուր Բրան Գերբեները:

Ինչու՞ են դեռահասները դիմում չատ բոտերին

Դպրոցականներն ամենից հաճախ սկսում են շփվել արհեստական բանականության հետ այն պահերին, երբ.

• Մենակ են զգում,
• Տրամադրությունը վատ է,
• Պետք է կիսվեն իրենց մտքերով:

Միևնույն ժամանակ, նրանք չատ բոտերին ընկերներ չեն համարում, այլ ավելի շուտ օգտագործում են դրանք որպես էմոցիոնալ վիճակը ժամանակավորապես թեթևացնելու միջոց:

Չատ բոտերը՝ շփման փոխարինո՞ւմ, թե՞ ժամանակավոր աջակցություն

Հետազոտողները նաև ուսումնասիրել են այս երևույթի հնարավոր երկարաժամկետ հետևանքները: Որոշ փորձագետներ մտահոգված են, որ դեռահասները կարող են իրական շփումը փոխարինել թվային օգնականներով, բայց արդյունքները ցույց են տալիս հակառակը:

Գիտնականների կարծիքով՝ չատ բոտերն ավելի շուտ ժամանակավոր էմոցիոնալ թեթևացում են տալիս, քան դառնում մարդկային հարաբերությունների լիարժեք փոխարինող: