Cubot ընկերությունը հայտարարել է, որ առաջիկայում կթողարկի Cubot X70 սմարթֆոն, որն ունի նորարարական դիզայն, բավական լավ բնութագրեր և, ըստ ընկերության, օգտատերերին կստիպի «վերանայել տեխնոլոգիայի և նորարարության սահմանները»: Բացի դրանից, այն հնարավոր է ձեռք բերել նաև անվճար։
Սմարթֆոնն առանձնանում է իր ֆուտուրիստական դիզայնով, որը միավորում է հետևի ապակյա վահանակի մանրակրկիտ մշակված նրբագեղ գծերը և մետաքսե տպագրության նախշերը, որոնք սարքին աչք շոյող տեսք են հաղորդում:
Cubot X70-ն ունի հզոր՝ 108 ՄՊ տեսախցիկ, որը ֆիքսում է յուրաքանչյուր մանրուք բարձր հստակությամբ և ճշգրտությամբ: Լինի դա լայնածավալ բնապատկեր, թե մոտիկից դիմանկար, Cubot X70-ով արված յուրաքանչյուր կադր պրոֆեսիոնալ որակ է ապահովում:
Սմարթֆոնն ունի MediaTek Helio G99 6 նմ ութմիջուկանի պրոցեսոր՝ մինչև 2,2 ԳՀց հաճախականությամբ, և Mali-G57 MC2 արագացուցիչ, որն աշխատանքի բարձր արդյունավետություն է ապահովում ինչպես շատ ռեսուրսներ պահանջող հավելվածներում, այնպես էլ ծանր խաղերում՝ հեշտացնելով ցանկացած առաջադրանքի կատարումը։
Ընկերությունը վստահեցնում է, որ Cubot X70-ն օգտագործողները կարող եք մոռանալ հավելվածների աշխատանքում հետաձգումների և խափանումների մասին։ Սարքն աջակցում է բազմաֆունկցիոնալ աշխատանք և ունի լայնածավալ մուլտիմեդիա հնարավորություններ:Սմարթֆոնն ունի 24 ԳԲ օպերատիվ (12 ԳԲ + 12ԳԲ ընդլայնման հնարավորություն) և 256 ԳԲ ներկառուցված հիշողություն։
Նորույթի հայտարարման նախօրեին ընկերությունն սկսել է խաղարկություն, որի հաղթողները անվճար կստանան Cubot X70-ը: Դրան մասնակցելու համար հարկավոր է սմարթֆոնն ավելացնել զամբյուղում՝ նշելով փոստարկղի հասցեն կամ դառնալ Cubot-ի հետևորդ՝ ակցիայի էջում նշված սոցցանցերից մեկում։
Ընկերությունը խոստացել է, որ Cubot X70-ը համաշխարհային շուկայում կհայտնվի հունիսի 7-8-ը։
Հետևեք NEWS.am Tech-ին Facebook-ում և Twitter-ում