Որո՞նք են Apple-ի ամենահզոր սարքերը․ AnTuTu-ն հրապարակել է սեպտեմբերի վարկանիշը
11:03 10 հոկտեմբերի, 2024AnTuTu հարթակը հրապարակել է Apple-ի սարքերի կատարողականության սեպտեմբերի վարկանիշը, որում ներառվել է նաև նոր iPhone 16-ը։
Ամենահզոր շարժական սարքի տիտղոսը դեռևս զբաղեցնում է առաջատար 11 դյույմանոց iPad Pro M4-ը, որը AnTuTu վարկանիշում միջինը հավաքում է ավելի քան 2,52 միլիոն միավոր: Նրան հաջորդում է այս պլանշետի ավելի մեծ տարբերակը՝ 13 դյույմանոց էկրանով՝ 2,49 մլն միավորով։ Լավագույն եռյակը եզրափակում է 12,9 դյույմանոց էկրանով iPad Pro M2-ը (2,06 մլն):
Չորրորդից յոթերորդ տեղերում են 13 դյույմանոց iPad Air M2-ը (1,95 մլն), 11-դյույմանոց iPad Pro M2-ը (1,92 մլն), 11-դյույմանոց iPad Air M2-ը (1,85 մլն) և 12,9-դյույմանոց iPad Pro M1-ը (1,76 մլն):
Նրանց հաջորդում են 11 դյույմանոց iPad Pro M1-ը (1,69 մլն), ինչպես նաև iPhone 16 Pro Max-ը և iPhone 16 Pro-ն՝ հիմնված Apple A18 Pro չիպի վրա, որոնք AnTuTu-ում միջինը 1,66 մլն միավոր են հավաքում: Սրանք Apple-ի ամենահզոր սմարթֆոններն են այս պահին։
Վարկանիշից դուրս են iPhone 16 Plus-ը (1,55 մլն) և iPhone 16-ը (1,53 մլն), որոնք զբաղեցրել են համապատասխանաբար 12-րդ և 13-րդ տեղերը, ինչպես նաև iPhone 15 Pro-ն՝ 1,5 մլն միավորով, զբաղեցնելով 14-րդ տեղը։