Որքա՞ն կարժենա Xiaomi Redmi K70 սմարթֆոնի վերանորոգումը
20:28 11 դեկտեմբերի, 2023Xiaomi-ն տեղեկություն է տրամադրել որոշ մասերի գների մասին, որոնց փոխարինումը կարող է անհրաժեշտ լինել առաջիկայում թողարկվելիք Redmi K70 առաջատար սմարթֆոնը վերանորոգելիս, հայտնում է GizmoChina-ն։
- Առջևի տեսախցիկի փոխարինում՝ 45 յուան (մոտ 6,3 դոլար),
- Հիմնական տեսախցիկի գերլայնանկյուն և հիմնական մոդուլների, ինչպես նաև հեռաֆոտո մոդուլի փոխարինում՝ համապատասխանաբար 45, 55 և 110 յուան (մոտ 6,3, 7,7 և 15,3 դոլար),
- Հետևի պանելի փոխարինում՝ 95 յուան (մոտ 13,2 դոլար),
- Մարտկոցի փոխարինում՝ 119 յուան (մոտ 16,6 դոլար),
- Էկրանի փոխարինում` 550 յուան (մոտ 76,6 դոլար),
- Մայր պլատայի փոխարինում՝ 2390-ից 2780 յուան (մոտ $333-ից $387), կախված տեղադրված հիշողության մոդուլներից:
Բացի դրանից, յուրաքանչյուր մասի արժեքին ավելանում է 40 յուան (մոտ 5,5 դոլար)՝ վարպետի աշխատանքի համար։
Կարևոր է նշել, որ նշված գները գործում են միայն Չինաստանում: Թե որքան կարժենա այս ամենը այլ երկրներում, այդ թվում՝ Հայաստանում, դժվար է ասել։