Omate ընկերությունը ցուցադրել է Ice Ring անունով խելացի մատանի։ Այն պատրաստված է տիտանից, թեթև և ոճային մատանի է, որը կարող է չափել օգտատիրոջ առողջության և ֆիզիկական ակտիվության տարբեր ցուցանիշներ, հայտնում է GSMArena կայքը։
Ice Ring-ը հագեցած է սենսորներով, որոնք թույլ են տալիս հետևել սրտի զարկերի հաճախականությանը, սթրեսի մակարդակին, արյան թթվածնով հագեցվածության աստիճանին և քնի որակին: Սարքը վերլուծում է տվյալները և օգտատիրոջը տրամադրում օգտակար խորհուրդներ և առաջարկություններ՝ բարելավելու առողջությունն ու ինքնազգացողությունը:
Բացի դրանից, Ice Ring-ն ունի մի շարք սպորտաձևերի աջակցություն, այդ թվում՝ GPS-ի կիրառման միջոցով։
Ice Ring-ն ունի ջրից և փոշուց պաշտպանություն՝ ըստ IP68 ստանդարտի, ուստի այն կարելի է կրել ցանկացած միջավայրում:
Քսան մԱ/ժ հզորությամբ մարտկոցի լիցքավորումը բավարար է 4-6 օրվա աշխատանքի համար, իսկ մարտկոցը լիցքավորելու համար բավական է 30 րոպե։ Ընկերությունը նաև նշում է, որ խելացի մատանին ունի 1 ՄԲ ներկառուցված հիշողություն և Bluetooth 5.1:
Մատանին հասանելի է երեք գույնով՝ սև, արծաթագույն և ոսկեգույն։ Omate Ice Ring-ը վաճառքում կհայտնվի 2024-ի սկզբին, գինը՝ 199 եվրո։