Հարցումներ մասնավոր չատերում, ավատարներ և արագացված ձայնային հաղորդագրություններ. նոր հնարավորություններ՝ WhatsApp-ում

10:30    24 հոկտեմբերի, 2022

WhatsApp մեսենջերում մի շարք նոր հնարավորություններ են ի հայտ եկել, այդ թվում՝ մասնավոր չատերում հարցումներ անցկացնելու, վիրտուալ ավատար տեղադրելու և ձայնային հաղորդագրություններն արագացնելու հնարավորություն:

Հարցումներ WhatsApp-ի չատերում

Մասնավոր չատերում հարցումներ անցկացնելու հնարավորությունը հայտնվել է 2.22.23.12 համարի ներքո Android-ի համար նախատեսված WhatsApp-ի բետա տարբերակում։ Սպասվում է, որ թեստավորման ավարտից հետո այս ֆունկցիան կհայտնվի նաեւ մեսենջերի հիմնական տարբերակում։

whatsapp-polls.jpg (91 KB)

Փորձարկողները նախկինում նման ֆունկցիա են նկատել մեսենջերի խմբային չատերում։ Երկու դեպքում էլ հարցումների ինտերֆեյսը և ֆունկցիոնալությունը նույնն են. հարցումներ հնարավոր է ստեղծել 12 կամ ավելի քիչ պատասխաններով: Հետաքրքիր է, որ հարցումները գաղտնագրված են, և նույնիսկ մշակողները չեն կարողանա պարզել, թե կոնկրետ օգտատերը որ պատասխանն է ընտրել:

WhatsApp-ի ավատարներ

2.22.23.12 համարի Android-ի համար նախատեսված WhatsApp-ի բետա տարբերակում հայտնվել է վիրտուալ ավատար տեղադրելու հնարավորություն: Առայժմ այս ֆունկցիան հասանելի է միայն որոշ բետա տարբերակը փորձարկողների համար, սակայն ակնկալվում է, որ շուտով այն կավելացվի հավելվածի հիմնական տարբերակին։

whatsapp-avatars.png (309 KB)

Ավատարների ներկառուցված գեներատորը հնարավորություն կտա ստեղծել ձեր վիրտուալ պատճենը, որն այնուհետև կարող եք տեղադրվել պրոֆիլի լուսանկարի փոխարեն: Ձեր նոր ավատարի հետ մեսենջերը նաև ավտոմատ կերպով կթողարկի ստիկերների փաթեթ: Ստիկերները հնարավոր կլինի ուղարկվել ցանկացած զրուցակցի։

WhatsApp-ում ձայնային հաղորդագրությունների արագացում

WhatsApp-ում մեկ այլ օգտակար նորամուծություն է ձայնային հաղորդագրությունները 1,5 և 2 անգամ արագացնելու հնարավորությունը։ Հաղորդագրության արագությունը հնարավոր է փոխել՝ օգտագործելով կոճակը, որը հայտնվում է հաղորդագրությունը լսելիս դրա աջ կողմում:

whatsapp-voice-messages.jpeg (38 KB)

Նոր գործառույթը փորձարկվել է 2022 թ․ մարտից, սակայն այժմ այն ​​հասանելի է բոլորին, եթե օգտատերերը թարմացնեն մեսենջերը և օգտվեն դրա ամենավերջին տարբերակից։

Նշենք, որ արագացման ֆունկցիան հասանելի է գրեթե բոլոր մեսենջերներում, որտեղ հնարավոր է ձայնային հաղորդագրություններ ուղարկել: Telegram-ում, օրինակ, նման գործառույթ հայտնվել է դեռ երեք տարի առաջ։



© NEWS.am Medicine