Վերջերս «Ինստիգեյթ» ընկերությունը «Միկրոչիպ» ընկերության հետ կնքեց գործարք եւ Instigate Semiconductor-ի գնմամբ նրանք մտան Հայաստանի շուկա: Այս մասին այսօր՝ մարտի 10-ին «Դիջիթեք» համաժողովի ժամանակ լրագրողների հետ զրույցում նշեց Առաջատար տեխնոլոգիաների ձեռնարկությունների միության (ԱՏՁՄ) նախագահ Ալեքսանդր Եսայանը:
«Այսինքն կիսահաղոդիչների ու չիպերի արտադրության մեջ ունենք արտասահմանյան ընկերությունների ակտիվ մասնակցություն եւ ոչ միայն: Միկրոչիպերի ուղղությունը ռազմավարական կարեւոր նշանակություն ունի, եւ շատ ուրախալի է, որ այդ ընկերությունը եկել է Հայաստան: Նման գիտելիք աշխարհում շատ քիչ երկրներ ունեն, եւ այսօր Հայաստանը միկրոչիպի գիտելիքով գերազանցում է շատ երկրների»,- ասաց նա:
Հարցին, թե արդյոք Հայաստանում արտադրվելու են չիպեր, Եսայանը պատասխանեց.
«Այստեղ ոչ թե արտադրվելու է, այլ դիզայն է արվելու, ինչը էլ ավելի կարեւոր է, որ մենք ունենք մասնագետներ, որոնք կարողանում են միկրոչիպի դիզայնի մեջ մեծ առաջընթաց ունենալ: Քանի որ մենք փոքր երկիր ենք, չենք կարող մասսայական արտադրության մեջ խորանալ, պետք է նման տեխնոլոգիաների մեջ խորանանք, որը մեզ մոտ լավ է ստացվում»:
ամիս
շաբաթ
օր