Թողարկումից առաջ գաղտնազերծվել են Google Pixel 8a բյուջետային նոր սմարթֆոնի բնութագրերը

Թողարկումից առաջ հայտնի են դարձել Google Pixel 8a բյուջետային նոր սմարթֆոնի բնութագրերը։ Մասնավորապես, այն կստանա հաջորդ սերնդի Tensor G3 պրոցեսոր, որն աշխատում է նվազեցված հաճախականություններով: Այս մասին հայտնում է WccfTech-ը՝ հղում անելով Geekbench 5 բենչմարկի փորձարկման արդյունքներին։

Միամիջուկ թեստի ժամանակ Pixel 8a-ն ստացել է 1218 միավոր, իսկ բազմամիջուկ թեստի ժամանակ՝ 3175 միավոր: Համեմատության համար նշենք, որ Snapdragon 8 Gen2-ը՝ Qualcomm-ի ընթացիկ սերնդի առաջատար պրոցեսորը, Geekbench 5-ում անցկացված թեստի ժամանակ համապատասխանաբար 1479 և 4803 միավոր է հավաքել:

WccfTech-ը համարում է, որ տարբերությունը բավական մեծ է: Ընդորում՝ այս տարբերությունն էլ ավելի կմեծանա, երբ 2023-ի վերջին թողարկվի Snapdragon 8 Gen3 պրոցեսորը։

Google Pixel 8a-ն կունենա 8 ԳԲ օպերատիվ հիշողություն և կաշխաի Android 14-ով։

Ակնկալվում է, որ Pixel 8a-ն կներկայացվի 2024-ի սկզբին։ Հեռախոսի գնի և մյուս մանրամասներին մասին դեռ տեղեկություններ չեն հաղորդվում։