Մեսենջերները ժամանակակից աշխարհում հաղորդակցվելու հիմնական միջոցն են, որոնց շնորհիվ մենք կարող ենք կապի մեջ մնալ ընտանիքի և ընկերների հետ նույնիսկ հեռավորության վրա, քննարկել աշխատանքային խնդիրները և սովորել նոր բաներ: Մեսենջերների հնարավորություններն անընդհատ ընդլայնվում են, և այսօր մենք կխոսենք դրանցից ոչ այնքան հայտնիների մասին՝ օգտագործելով հանրաճանաչ հաղորդակցման հավելվածի՝ Viber-ի մեսենջերի օրինակը:
Մեզանից յուրաքանչյուրը երբեմն կարևոր գաղտնի տեղեկություններ հաղորդելու եւ ստանալու կարիք ունի, օրինակ՝ մուտքի դռան ծածկագիրը կամ բանկային քարտի համարը՝ փոխանցում կատարելու համար։ Թեև հաղորդակցության ժամանակակից հավելվածներից շատերը կիրառում են end-to-end կոդավորում, առավել անվտանգ է այդպիսի տեղեկությունները չփոխանցել սովորական չատերում, այլ օգտագործել լրացուցիչ պաշտպանության գործառույթները: Օրինակ՝ Viber-ում «Անհետացող հաղորդագրություններ» ֆունկցիան թույլ է տալիս սահմանել երկխոսությունը կարդալուց հետո հաղորդագրությունը ջնջելու ժամանակը: Նման հաղորդագրությունների համար կարող եք ժամաչափ սահմանել մեկ րոպե, մեկ ժամ կամ մեկ այլ ժամանակահատված, որից հետո դրանք կվերանան ստացողի մոտից, և եթե նա որոշի սքրինշոթ անել, հավելվածը ձեզ կտեղեկացնի այդ մասին։
Այսօր դուք կարող եք ապահով և հարմարավետ կերպով ստանալ արդի տեղեկատվությունը անմիջապես մեսենջերում: Viber-ն ունի թեմատիկ ալիքներ, որոնք ղեկավարվում են լրատվամիջոցների կողմից (ի դեպ, NEWS.am-ը վերջերս բացել է նաև իր սեփական ալիքը Viber-ում, որտեղ մենք հաղորդում ենք բոլոր վերջին նորությունները), նրանց մեջ բոլորը կարող են գտնել հետաքրքիր և տեղեկատվական բովանդակություն: Կարող եք նաև մասնակցել հաղորդակցությանը` գրառումների տակ թողնելով մեկնաբանություններ և արձագանքներ:
Իսկ եթե ցանկանում եք ինքներդ տարածել կարևոր տեղեկություններ, ստեղծեք ձեր սեփական ալիքը Viber մեսենջերում. դա կարելի է անել մի քանի քլիքով: Ալիքում դուք կկարողանաք բաժանորդներին ներկայացնել գրառումներ, լուսանկարներ, տեսանյութեր և այլ բովանդակություն, նրանք կկարողանան արձագանքել հրապարակումներին և կարծիք հայտնել: Ի դեպ, մեսենջերի ֆունկցիոնալությունը թույլ է տալիս հարցումներ անցկացնել ալիքի բաժանորդների շրջանում՝ պարզելու նրանց կարծիքը կարևոր հարցերի վերաբերյալ։
Եթե Ձեզ անհրաժեշտ է արագ ստանալ զրուցակցի որոշակի հաղորդագրության թարգմանությունը, բայց ձեռքի տակ չկա բառարան կամ հատուկ ռեսուրսներ բացելու ժամանակ չկա, ապա մեսենջերը նույնպես կարող է օգնել այդ հարցում: Viber-ի միջոցով դուք կարող եք մոռանալ լեզվական արգելքի մասին և հեշտությամբ շփվել օտարերկրացիների հետ կամ կարդալ այլ լեզուներով ալիքներ: Ցանկացած հաղորդագրություն անմիջապես մեսենջերում թարգմանելու համար պարզապես երկար սեղմեք դրա վրա և ընտրեք «Թարգմանել» տարբերակը: Ծրագրի կարգավորումներում ցանկացած պահի կարող եք փոխել թարգմանության լեզուն:
Օգտատերերի լրացուցիչ պաշտպանության այլ տարբերակներից բացի, Viber մեսենջերն ապահովում է պաշտպանություն անցանկալի կոնտակտներից՝ անհայտ համարներից բոլոր հաղորդագրություններն ուղարկվում են առանձին «Նամակագրության հարցումներ» թղթապանակ: Այնտեղ կարող եք հարմար ժամանակ վերլուծել յուրաքանչյուր նոր հարցում և որոշել՝ շարունակե՞լ երկխոսությունը, թե՞ ոչ։
Մեսենջերները ոչ միայն տեքստային շփում է, այլ նաև սիրելիներին տեսնելու և զրուցելու հնարավորություն, կարծես նույն սեղանի շուրջ նստած լինեք: Viber-ում խմբակային աուդիո և տեսազանգերը ժամանակային սահմանափակում չունեն, ինչը նշանակում է, որ դուք կարող եք զանգահարել ամբողջ ընտանիքին, նույնիսկ եթե գտնվում եք տարբեր քաղաքներում կամ երկրներում, և քննարկել վերջին նորությունները, կամ պարզապես զրուցել տարբեր թեմաների շուրջ:
ամիս
շաբաթ
օր