Ընդամենը 1 մմ․ չինական ընկերությունը ռեկորդային բարակ շրջանակով սմարթֆոն կարտադրի

Ice universe մականունով հայտնի ինսայդերը տեղեկություն է հրապարակել այն մասին, որ շուտով շուկայում կհայտնվեն ռեկորդային բարակ շրջանակով սմարթֆոններ։

«Լավ լուր։ China Star-ը զանգվածաբար կարտադրի չափազանց նեղ՝ 1 մմ հաստության շրջանակով էկրան։ Բոլոր չորս կողմերում շրջանակը նույնը կլինի: Սա թույլ կտա բարելավել iPhone 15 Pro-ի արդյունքը, որի շրջանակը կունենա 1,55 մմ լայնություն։ Կարծես արդեն գիտեմ, թե որ սմարթֆոնում կհայտնվի նոր էկրանը»,- գրել է Ice universe ինսայդերը։

Good news!China star will mass-produce 1mm extremely narrow bezel screen,The four bezel are all 1mm, which will surpass the record of 1.55mm of iPhone 15 pro. I probably already know which phone it is used for. I am looking forward to it! Guess which mobile phone will be…

— Ice universe (@UniverseIce) March 23, 2023

Բացի դրանից, նա հրապարակել է նոր սմարթֆոնի (հավանաբար TCL) լուսանկարը և առաջարկել գուշակել, թե ինչ սարքի մասին է խոսքը։ Բացի փոքրիկ շրջանակից, նոր սմարթֆոնը կստանա էկրանի տակ գտնվող տեսախցիկ։

Նշենք, որ Ice universe-ն առաջինն էր, որը պատմել էր ջրվեժ էկրանով սմարթֆոնների նոր միտման, iPhone X-ի էկրանի վերևի մասի կտրվածքի, iPhone 14-ի նոր դիզայնի և Dynamic Island-ի, ինչպես նաև 200 մեգապիքսելանոց տարբեր սենսորների մասին: