Պետք չէ չափազանց մեծ գումարներ վճարել լավ կատարողականությամբ հեռախոս գնելու համար. հզոր սմարթֆոն կարելի է գնել համեմատաբար մատչելի գնով, և AnTuTu-ի նոր վարկանիշն ապացուցում է դա։
AnTuTu-ն ներկայացրել է ամենահզոր միջին բյուջետային սմարթֆոնների ցանկը 2024-ի ապրիլի համար։
Վարկանիշի առաջատարը OnePlus Ace 3V-ն է, որն ունի Snapdragon 7+ Gen 3 չիպ և AnTuTu-ում հավաքել է 1,44 մլն միավոր։ Համեմատության համար նշենք, որ բարձրակարգ պրոցեսորով խաղային Asus ROG Phone 8 Pro առաջատար սմարթֆոնը գրանցել է 2,12 մլն միավոր արդյունք։ Ընդորում՝ OnePlus Ace 3V-ի գինն սկսվում է 380 դոլարից, իսկ Asus ROG Phone 8 Pro-ինը՝ 1065 դոլարից:
Լավագույն եռյակում ներառվել են նաև Realme GT Neo6 SE-ն (ևս մեկ սմարթֆոն, որն աշխատում է Snapdragon 7+ Gen 3-ով, 1,42 մլն միավոր) և Redmi K70E-ն (հզոր սարք MediaTek Dimensity 8300 Ultra չիպով, որը հավաքել է 1,37 մլն միավոր): Առաջինի գին սկսվում է 235 դոլարից, իսկ երկրորդինը` 276 դոլարից:
Հաջորդիվ ցուցակում են Realme GT Neo5 SE-ն (1,14 մլն միավոր, 478 դոլարից) և Redmi Note 12 Turbo-ն (1,13 մլն միավոր, 260 դոլարից), որոնք աշխատում են Snapdragon 7+ Gen 2 պրոցեսորով: Ցուցակում ներառվել են նաև սմարթֆոններ, որոնք աշխատում են MediaTek Dimensity 8200 պրոցեսորով։
Լավագույն տասնյակը եզրափակում է OnePlus Ace-ը, որն աշխատում է Dimensity 8100 Max պրոցեսորով և AnTuTu-ում հավաքել 881,000 միավոր: Գինն սկսվում է 380 դոլարից։
Այսօրվա շուկան առաջարկում է հզոր սմարթֆոնների լայն տեսականի՝ ֆլագմանների համեմատ ավելի մատչելի գներով: Կոնկրետ մոդել ընտրելիս պետք է կենտրոնանալ ոչ միայն այսպիսի վարկանիշների արդյունքների, այլ նաև այլ կարևոր հատկանիշների վրա, ինչպիսիք են տեսախցիկը, էկրանը, մարտկոցի աշխատանքի տևողությունը և դիզայնը:
ամիս
շաբաթ
օր