Կայացել է Ulefone Armor 26 Ultra գերհզոր մարտկոցով սմարթֆոնի պաշտոնական պրեմիերան. սմարթֆոնը ստացել է 15,600 մԱ/ժ հզորությամբ մարտկոց, որն ունի նաև 120 Վտ (կամ 33 Վտ անլար) իսկապես արագ լիցքավորման աջակցություն:
Սմարթֆոնի պատյանը պաշտպանված է IP68/IP69K աստիճաններով, սմարթֆոնը համապատասխանում է նաև ամերիկյան MIL-STD-810H ռազմական ստանդարտի պահանջներին։
Ulefone Armor 26 Ultra-ն ստացել է 6,78 դյույմանոց էկրան՝ Full HD+ կետայնությամբ և 120 Հց կադրերի հաճախականությամբ։ Սարքն աշխատում է SoC MediaTek Dimensity 8020-ով, օպերատիվ հիշողությունը 12 ԳԲ է, իսկ ներկառուցվածը՝ 512 ԳԲ: Կա մատնահետքի կողային սկաներ և գերբարձր բարձրախոս (121 դԲ):
Նման պաշտպանություն ունեցող մոդելի համար տեսախցիկը, կարելի է ասել, բարձրակարգ է. հիմնական սենսորը 200 ՄՊ Samsung ISOCELL HP3-ն է: Գերլայնանկյուն ոսպնյակով մոդուլն ունի 50 ՄՊ սենսոր, կա նաև 64 ՄՊ սենսորով մոդուլ, որը պատասխանատու է 3,2 անգամ օպտիկական խոշորացման համար։
Չինաստանում նոր արտադրանքի վաճառքը կսկսվի մայիսի 13-ին, գնի մասին դեռ չի հայտարարվել։
ամիս
շաբաթ
օր